reglugerð um breytingu á reglugerðum 10/2011, 2022/1616 og 2023/2006 - 32025R0351

Gerðin varðar breytingar á reglugerðum (ESB) nr. 10/2011 um efnivið og hluti úr plasti sem ætlað er að komast í snertingu við matvæli, 2022/2016 um efnivið og hluti úr endurunnu plasti sem ætlað er að komast í snertingu við matvæli og 2023/2006 um góða framleiðsluhætti fyrir efnivið og hluti sem ætlað er að komast í snertingu við matvæli.Í breytingareglugerðinni eru gerðar breytingar á orðalagi í reglugerð 10/2011 og skilgreiningum, m.a. um hvenær innihaldsefni í plasti er aukefni og hvenær grunnefni.Einnig um efni af náttúrulegum uppruna sem notuð eru í plastefni en nákvæm samsetning er ekki þekkt. Um þau er fjallað í reglugerð 1907/2006 um efnavörur (REACH reglugerð) þar sem þau kallast UVCB efni (substances of unknown or variable composition, complex reaction products or biological materials). Til að tryggja betri samræmi reglugerðar 10/2011 við reglugerð 1907/2006 og um áhættumat og leyfisveitingu fyrir slík efni er þetta hugtak „UVCB-efni“ tekið inn í reglugerð 10/2011.Sæfiefni sem notuð eru í plast þurfa að hafa leyfi framkvæmdastjórnarinnar eða að vera á brábyrgða lista efna sbr. 7. gr. í 10/2011. Í reglugerð 10/2011 ætti að vísa til reglugerðar (ESB) nr. 528/2012, en í henni er fjallað um leyfi fyrir notkun sæfiefna, þ.á.m. þeirra sem notuð eru í matvælasnertiefni. Því ætti að vísa til þeirrar gerðar í reglugerð 10/2011 varðandi sæfiefni sem notuð eru í plastefni sem ætlað er að komast í snertingu við matvæli.Við framleiðslu á plastefnum fellur til afskurður og annað rusl sem ekki verður að lokaafurð. Ef hægt er að endurnýta þetta efni í framleiðsluferlinu telst það ekki vera úrgangur. Í reglugerð 1022/1616 er ekki fjallað um þessar aukaafurðir og öryggi þeirra. Setja þarf reglur um notkun þeirra og skilgreiningu á endurvinnslu (reprocessing) til að hafa skýra afmörkun á milli þeirra vara sem falla undir reglugerð 10/2011 og 2022/1616.Í gr. 14(4) í reglugerð 10/2011 kemur fram að plastlög í marglaga fjölefnum falla ekki undir 11. og 12. gr. í sömu reglum, þ.e. ákvæði um flæði efna. Í tilbúnum marglaga fjölefnum, þar sem plastlag er í beinni snertingu við matvæli er hætta á að óæskileg efni geti flætt yfir í matvæli. Þetta plastlag ætti því að hlíta sömu reglum og gilda almennt um flæði úr plasti í reglugerð 10/2011.Til þess að tryggja að farið sé eftir ákvæðum reglugerðar 10/2011 þarf að hafa eftirlit með framleiðslu m.a. með sýnatökum á tilbúnum vörum og einnig á mismunandi framleiðslustigum. Framleiðendur þurfa að tryggja að eftirlitsmenn hafi aðgang fyrir slíka sýnatöku.Þegar notað er endurunnið plast í framleiðslu á efnum og hlutum á það að koma fram í samræmisyfirlýsingu.Til þess að tryggja betur öryggi plastefna á samræmisyfirlýsing einnig að innihalda upplýsingar um efni sem ekki er bætt í af ásetningi (NIAS), s.s. óhreinindi, efni sem myndast tímabundið, niðurbrotsefni o.fl.Í reglugerð 2022/1616 er gert ráð fyrir gæðakerfi til þess að tryggja öryggi í framleiðslu á endurunnu plasti. Til þess að tryggja matvælaöryggi betur ætti að setja ýtarlegar reglur um góða framleiðsluhætti er varðar endurunnið plast.Reglugerðum (ESB) nr. 10/2011, nr. 2022/1616 og 2023/2006 skal því breytt í samræmi við ofangreindar athugasemdir.