Útdráttur
Verið er að gera breytingu á reglugerð Evrópusambandsins 1321/2014. Reglugerðin er um áframhaldandi lofthæfi loftfara. Breytingarnar lúta að því að taka á lofthæfikröfum til nýrra tegunda loftfara sem m.a. nota aðra orkugjafa en jarðefnaeldsneyti. Áhrif eðlileg og nauðsynleg. Kostnaður mun hljótast af en hann fellur undir reglubundna starfsemi Samgöngustofu.
Nánari efnisumfjöllun
Almennt: Um er að ræða reglugerð um breytingu á reglugerð (ESB) nr. 1321/2014 um áframhaldandi lofthæfi loftfara og annarra framleiðsluvara, hluta og búnaðar til flugs og um samþykki fyrir fyrirtækjum og starfsfólki á þessu sviði.Með reglugerðinni eru settar kröfur til nýrrar tegundar loftfara, sem m.a. eru knúin áfram með öðrum orkugjöfum en jarðefnaeldsneyti. Þá eru einnig gerðar kröfur til þeirra sem sjá um viðhald loftfaranna og fyrirtækja sem þjálfa þá. Er viðaukum II, III, IV, og V.b (Part-ML) og V.d (Part -CAO) breytt af þessu tilefni.Í gildandi reglugerð, (ESB) nr. 1321/2014, er tæmandi upptalning á þeim tegundum loftfara sem kröfur eru gerðar til. Nauðsynlegt er að bæta við kröfum til nýrra tegunda loftfara e. New air mobility aircraft. Breytingarnar snúa að því að settar eru kröfur til lofthæfis loftfara annarra en flugvéla, þyrlna, loftbelgja, loftskipa og svifflugna, sem og til flugvéla og þyrlna sem knúnar eru rafmagni eða eru búnar tvinnvél, e. hybrid engine. Í þeim tilgangi hefur nýrri skilgreiningu um óhefðbundin loftför e. non-conventional aircraft verið bætt við reglugerðina. Reglugerðin byggir á EASA Opinion 4/2024.Umsögn: helstu breytingar, mati á umfangi, og áhrif hér á landi: Gerðin hefur áhrif á rekstraraðila óhefðbundinna loftfara sem og á þá sem bera ábyrgð á og sjá um viðhald á umræddum loftförum hér á landi. Þegar er ein rafknúin flugvél á Íslandi. Hún var skráð í mars 2022 (TF-KWH). Um er að ræða fyrstu tegundina sem fékk EASA tegundarvottun. Flugþol véla af þessu tagi er í dag ekki nema um ein klukkustund. Ólíklegt er að fleiri sambærilegar flugvélar verði skráðar á Íslandi fyrr en flugþol vélarinnar verður orðið meira. Gerðin mun hafa áhrif á Samgöngustofu. Rýna þarf breytingarnar og uppfæra verklagsreglur m.a. um Part-66 skírteini flugvéltækna. Sama á við um Part-147 viðhaldskennslufyrirtæki og um skrásetningu og lofthæfi. Þá þarf að uppfæra vef SGS og taka á innri þjálfun eftirlitsmanna. Nýjar tegundir loftfara og ný tækni kallar líka á tækniþjálfun eftirlitsmanna. Sú þjálfun gæti þurft að fara fram hjá framleiðendum. Eins þarf að gera ráð fyrir breytingu á Part-66 skírteini sem kallar á hugbúnaðarbreytingu á skírteinagrunni Samgöngustofu sem og í loftfaragrunninum.Lagastoð fyrir innleiðingu gerðar: Lagastoðin er (e-, g-, og i-liður) 72. gr. . gr. laga um loftferðir nr. 80/2022.Rétt væri að innleiða reglugerðina með breytingu á reglugerð nr. 926/2015 um viðvarandi lofthæfi loftfara og flugtæknilegra framleiðsluvara, hluta og búnaðar og um samþykki fyrir viðhaldsstöðvum og starfsfólki á þessu sviði.mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Innleiðing gerðarinnar mun hafa í för með sér kostnað fyrir Samgöngustofu. Sá kostnaður felst í vinnu SGS við rýni á gerðinni, uppfærslu verklagsreglna og eyðublaða, breytingum á vef Samgöngustofu og í þjálfun eftirlitsmanna. Þá er kostnaður falinn í hugbúnaðarvinnu í skírteina og loftfaragrunnum Samgöngustofu. Áætla má eins mánaðar vinnu starfsfólks SGS vegna breytinganna og aðkeypta þjónustu fyrir hugbúnað sem er óljóst hvað yrði mikið. Kostnaðurinn telst til reglubundinnar starfsemi Samgöngustofu.Skörun við starfssvið annarra ráðuneyta: NeiTilgreining á hagsmunaaðilum: Eigendur nýrra tegunda loftfara, Part-147 viðhaldskennslufyrirtæki (enginn hér á landi), Part-66 skírteinishafar, Samgöngustofa.Horizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Nei
