32025R0454

Reglugerðin er sett með stoð í 68. gr. reglugerðar (ESB) 2024/1689 um gervigreind, en samkvæmt henni skal framkvæmdastjórnin setja ákvæði um stofnun vísindanefndar óháðra sérfræðinga ("vísindanefndin) sem ætlað er að styðja við framfylgni á reglugerðinni. Vísindanefnd skal veita skrifstofu gervigreindar (AI Office) hjá framkvæmdastjórn ESB stuðning við framkvæmd og framfylgd reglugerðarinnar, einkum:vara við kerfiáhættu sem stafar af almennum gervigreindarlíkönum (General Purpose AI) skv. 90. gr.stuðla að þróun verkfæra og aðferðafræði til að meta getu almennra gervigreindarlíkana og -kerfaveita ráðgjöf um flokkun almennra gervigreindarlíkana og -kerfa, m.a. almennra gervigreindarlíkana með kerfiáhættu, ogstuðla að þróun verkfæra og sniðmáta.Vísindanefndin skal einnig veita markaðseftirlitsyfirvöldum stuðning óski þau hans.Vísindanefndin samanstendur af óháðum sérfræðingur sem framkvæmdastjórnin velur á grundvelli nýjustu vísinda- eða tæknilegrar sérþekkingar á sviði gervigreindar sem nauðsynlegt er fyrir þau verkefni sem henni er ætlað að sinna. Sérfræðingarnir skulu ekki vera fleiri en 60 og í nefndinni skal vera a.m.k. einn og í mesta lagi þrír frá hverju aðildarríki ESB og EES EFTA ríki. Sérfræðingarnir skulu fá greitt fyrir framlag sitt.Í framkvæmdargerðinni er kveðið á um hvernig markaðseftirlitsyfirvöld óska eftir stuðningi frá vísindanefndinni og um skilyrði fyrir veitingu stuðnings.  Þá er kveðið á um skilyrtar viðvaranir sem vísindanefndin getur látið skrifstofu gervigreindar í té, hafi hún ástæðu til þess að ætla að almennt gervigreindarlíkan hafi í för með sér raunverulega og greinanlega áhættu á vettvangi ESB eða að almennt gervigreindarlíkan uppfylli skilyrði fyrir að teljast almennt gervigreindarlíkan með kerfisáhættu, sbr. 90. gr. reglugerðar um gervigreind.