Breyttir úrgangsflokkar fyrir rafhlöður og rafgeyma. - 32025D0934

Nýjungar í rafhlöðutækni eru nauðsynlegur undanfari sjálfbærrar þróunar, grænnar nýsköpunar og kolefnishlutleysis en slíkar tækninýjungar, einkum í framleiðslu liþíum-, natríum- og nikkelrafhlaðna hafa valdið því að breyta þarf úrgangsmeðhöndlun rafhlaðna til að stuðla að aukinni endurnýtingu hráefna.Breyttir endurnýtingarferlar kalla á breytta skráningu á úrgangi til að tryggja rekjanleika úrgangsins því meðal þeirra efna sem finnast í rafhlöðum eru þýðingarmikil hráefni (e. Critical raw materials) og önnur efni sem auðvelt er að endurnýta eða sem geta verið hættuleg umhverfinu og heilsu manna ef þau eru ekki meðhöndluð á réttan hátt.Það er einnig mikilvægt að halda ólíkum straumum úrgangs aðskildum svo mögulegt sé að endurnýta innihaldsefni rafhlaðnanna og stuðla þannig að markmiðum er varða hringrásarhagkerfi og úrgangsmál. Ný reglugerð Evrópusambandsins um rafhlöður og rafgeyma (ESB) 2023/1542, sem ekki hefur verið innleidd á Íslandi enn, kveður sömuleiðis á um ítarlegri flokkun og endurnýtingu hráefna úr rafhlöðum.Einnig er þörf á nýjum úrgangskóðum fyrir rafhlöður til þess að geta kveðið nákvæmar á um hvaða starfsemi er heimil samkvæmt starfsleyfum fyrir meðhöndlun úrgangs. Sömuleiðis kveður reglugerðin á um hvaða úrgangsflokkar teljast sem spilliefni og hverjir ekki. Hvort tveggja skiptir máli þegar kemur að tilkynningum á flutningi hættulegs úrgangs á milli landa.Alkalírafhlöður (e. Alkaline batteries) voru áður skilgreindar sem hættulaus úrgangur en eru nú skilgreindar sem hættulegur úrgangur. Liþíumrafhlöður fá sinn eigin úrgangskóða vegna sérstakrar hættu við söfnun og meðhöndlun þeirra.Helstu breytingar á úrgangskóðum felast í útvíkkun á kóða 16 06 sem nær yfir rafhlöður og rafgeyma.Ákvörðunin tekur gildi þann 9. nóvember 2026.