32026R0055

Reglugerð (ESB) nr. 852/2017 er sett til að tryggja að ESB löggjöfin sé í fullu samhengi við Minamatasamninginn um kvikasilfur. II. viðauki við reglugerðina geymir skrá yfir vörur sem bannað er að framleiða, flytja inn og flytja út á EES svæðinu frá þeim dagsetningum sem þar eru settar fram sbr. 5. gr. reglugerðarinnar og 6. gr. reglugerðar nr. 640/2022 um kvikasilfur. Bönnin taka þó ekki til vara sem nauðsynlegar eru til almannavarna og hernaðarnota, né vara til rannsókna, kvörðunar á tækjabúnaði eða til notkunar sem viðmiðunarstaðlar. Með þessari gerð er hárnákvæmum mælibrúm með háum rýmdar- og tapstuðlum og fjarskiptatíðnirofum og -rafliðum með hárri tíðni í vöktunar- og eftirlitstækjum sem innihalda ekki meira en 20 mg af kvikasilfri í hverri mælibrú, hverjum rofa eða rafliða, að undanskildum þeim sem notuð eru í tilgangi rannsókna og þróunar, bætt við framangreindan lista í II. viðauka með dagsetninguna 31. desember 2025. Breytingin er gerð til samræmingar við ákvörðun MC-5/4 sem tekin var á 5. fundi aðildarríkjanna að samningnum. Gerðin hefur þegar tekið gildi í ESB.