Uppfærsla á PRODCOM-flokkun iðnaðarvara 2026 - 32026R0665

Reglugerð framkvæmdastjórnarinnar (ESB) 2026/665 breytir framkvæmdarreglugerð (ESB) 2022/2552 að því er varðar tækniforskriftir gagna- og upplýsinga vegna uppfærslu á Prodcom vörulista fyrir árlega mælingu á framleiðslu iðnaðarvöru. Þessi listi er uppfærður árlega og þarf að vera í samræmi við önnur flokkunarkerfis s.s. NACE og CPA. Einnig þarf að huga að tengingum við önnur flokkunarkerfi s.s. HS/CN, einkum með því að koma á nánari sundurliðun í flokkun iðnaðarvara. Markmiðið er að samræma og skýra gagnakröfur aðildarríkja þannig að samanburðarhæfar og samræmdar upplýsingar um iðnaðarframleiðslu fáist á EES-svæðinu. Reglugerðin hefur fyrst og fremst áhrif á hagnýta framkvæmd gagnasöfnunar og skýrslugjafar hjá hagstofum og öðrum viðeigandi stjórnvöldum. Með nákvæmari tæknilegum skilgreiningum og flokkun verður auðveldara að safna, vinna úr og miðla gögnum um iðnaðarframleiðslu, sem styrkir gæði, samræmi og notagildi tölfræðinnar fyrir stefnumótun og eftirlit með þróun iðnaðar innan EES.