Útdráttur
Með þessari reglugerð er verið að breyta skilyrðum samþykkis fyrir virka efninu metalaxýl-M.I. viðauki við framkvæmdarreglugerð (ESB) nr. 2020/617 breytist í samræmi við I. viðauka þessarar reglugerðar.Viðauki við framkvæmdarreglugerð (ESB) nr. 540/2011 breytist í samræmi við II. viðauka þessarar reglugerðar.Reglugerðin tekur gildi á 20. degi eftir birtingu hennar í Stjórnartíðindum Evrópusambandsins.
Nánari efnisumfjöllun
Framkvæmdarreglugerð (ESB) nr. 2020/617 endurnýjaði samþykkistímabil virka efnisins metalaxýl-M. Við endurnýjun samþykkisins voru settar takmarkanir fyrir notkun virka efnisins þannig að einungis mátti sá fræjum sem meðhöndluð höfðu verið með metalaxýl-M í gróðurhúsum og hámarksgildi innihalds óhreininda 2-[(2,6-dímetýlfenýl)-(2- metoxýasetýl)-amínó]- própansýra-1- metoxýkarbónýletýlesters (CGA226048) var ákvarðað 0,18 g/kg. Þann 17. júní 2020 sótti leyfishafi um breytingu á skilyrðum samþykkisins til tilvísunaraðildarríkisins Belgíu í samræmi við 1. tölul. 7. gr. reglugerðar Evrópuþingsins og ráðsins (EB) nr. 1107/2009. Sótt var um að fella niður skilyrðið um sáningu fræja í gróðurhúsum og að uppfæra hámarksgildi óhreininda CGA226048. Belgía endurmat virka efnið m.t.t. til nýrrar notkunar og nýs hámarksgildis óhreininda CGA226048 og gaf út endurskoðaða endurmatsskýrslu sem var send til EFSA 9. mars 2021. Þann 3. október 2023 upplýsti EFSA framkvæmdastjórnina um að skilyrði 4. gr. reglugerðar (EB) nr. 1107/2009 eru uppfyllt ef hámarksgildi óhreininda CGA226048 er 10 g/kg. Endurskoðað hámarksgildi óhreininda CGA226048 var staðfest af framkvæmdastjórninni með reglugerð (ESB) nr. 2024/1718. Þann 4. júlí 2025 upplýsti EFSA framkvæmdastjórnina um hvort niðurfelling skilyrða um sáningu fræja í gróðurhúsum uppfylli skilyrði 4. gr. reglugerðar (EB) nr. 1107/2009. Byggt á niðurstöðum úr áhættumati þykir við hæfi að ákvarða hámarks sáningarhraða fræja sem meðhöndluð eru með metalaxýl-M, nema niðurstöður áhættumats hverrar plöntuverndarvöru leiði í ljós að meiri sáningarhraði leiði ekki til óviðunandi áhrifa á fugla og spendýr. Einnig er talið viðeigandi að setja sem skilyrði að fræjunum sé sáð með búnaði til nákvæmrar sáningar. Það þykir því viðeigandi að fella niður skilyrði um að einungis megi sá fræjum sem meðhöndluð hafa verið með metalaxýl-M í gróðurhúsum. Framkvæmdarreglugerðir (ESB) nr. 2020/617 og 540/2011 breytast því í samræmi við framangreint.
