Tillaga að endurskoðuðum viðmiðunargildum fyrir varma- og eldsneytisviðmiðanir fyrir tímabilið 2026-2030. - COM(2026) 619

Tillaga þessi setur fram breytingu á tilskipun 2003/87/EB (ETS-tilskipun) í því skyni að hægt sé að uppfæra viðmiðunargildi fyrir varma- og eldsneytisviðmiðanir sem notuð eru til grundvallar úteikningum á úthlutun endurgjaldslausra losunarheimilda fyrir síðari hluta 4. viðskiptatímabils ETS, 2026-2030.Breytingin er lögð til í því skyni að koma til móts við áhyggjur ákveðinna iðngeira og auka vernd gegn áhættu af kolefnisleka. Eftir að lokaútreikningar á fjölda áætlaðra losunarheimilda til endurgjaldslausrar úthlutunar lágu fyrir, ásamt þverfaglegum leiðréttingarstuðli (e. cross sectoral correction factor, CSCF) (sem er 1 skv. ákvörðun (ESB) 2026/1862), lá fyrir að eftir sátu 80 milljónir losunarheimilda sem samkvæmt 10. gr. a ETS-tilskipunarinnar er að hámarki hægt að úthluta endurgjaldslaust á tímabilinu 2026-2030.Til að tryggja jafna meðferð og koma í veg fyrir neikvæð áhrif á endurgjaldslausa úthlutun losunarheimilda sem byggð er á vöruviðmiðun er nauðsynlegt að tryggja að endurskoðuð viðmiðunargildi fyrir varma- og eldsneytisviðmiðanir breytist ekki það mikið að þörf verði á að beita þverfaglegum leiðréttingarstuðli. Uppfærð viðmiðunargildi fyrir varma- og eldsneytisviðmiðanir munu ekki gilda fyrir stöðvar sem stunda starfsemi sem tengist olíu og gasi til að stuðla að frekari afkolun. Til að draga úr stjórnsýslulegri byrði þarf ekki að úthluta endurgjaldslausum losunarheimildum sem bætast við til rekstraraðila vegna ársins 2026 vegna þessara breytinga fyrr en samhliða úthlutun vegna ársins 2027.  Tveimur málsgreinum er bætt við 10. gr. a ETS-tilskipunarinnar á eftir 2. mgr. sem ná þessum markmiðum fram, 2. mgr. a og 2. mgr. b. 2. mgr. a segir að hámarks árlegt skerðingarhlutfall (e. maximum annual reduction rate) sem skuli beita vegna uppfærslu viðmiðunargilda fyrir varma- og eldsneytisviðmiðanir fyrir tímabilið 2027-2030 skuli vera minnkað í hlutfall sem nýtir að fullu allar losunarheimildir sem til boða eru til endurgjaldslausrar úthlutunar án þess að til beitingar þverfaglegs leiðréttingarstuðuls komi. 40% þeirra losunarheimilda skal úthlutað árið 2027, þar sem engum aukalosunarheimildum vegna þessarar breytingar verður úthlutað árið 2026.2. mgr. b segir að 2. mgr. a skuli ekki gilda fyrir starfsstöðvar sem stundi starfsemi sem falla undir ákveðna NACE kóða sem ná yfir borun eftir hráolíu og jarðgasi, framleiðslu unninnar olíu og flutning með pípum. Reglugerðin skal taka gildi á þriðja degi eftir birtingu í lögbirtingarblaði ESB.