32009R0443

Markmiðið með gerðinni er að CO2 í útblæstri verði ekki meiri en 120 gr/km eftir 2012 og að haldið verði bókhald um magn CO2 í útblæstri fólksbíla í aðildarlöndunum.
Aðdragandi nn er áform Sameinuðu þjóðanna með Kyoto samkomulaginu um að minnka gróðurhúsáhrif af völdum losunar gróðurhúsalofttegunda og hefur Evrópusambandið skuldbundið sig til þess að hafa minnkað losun gróðurhúsalofttegunda um 8% á árunum 2008-2012 miðað við 10. áratuginn. Hafa Þingið og Ráðið sett sér það takmark að eldsneytisnotkun fólksbíla eftir 2012 verði að meðaltali ekki meiri en 120 g/km af CO2 sem samsvarar 5 l/100 km hjá bensínbílum og 4,5 l/100 km hjá dieselbílum en undanþága er fyrir bifreiðar sem eru þyngri en 1372 kg.
Gert er ráð fyrir að gróðurhúsaáhrif minni bíla minnki eftir 2012 án þess að það bitni á bílamarkaðnum. Þá er það markmið sett að CO2 í útblæstri lítilla bíla verði 30% minni miðað við tíunda áratuginn. Af brennslu jarðefnaeldsneytis eru bílar næst stærsti áhrifavaldurinn. Verulegur ávinningur hefur áunnist af fyrri reglum, síðast euro 5 og 6 og er þess vænst að nýir orkugjafa, s.s. biodiesel, minnki CO2 enn um 10 g/km.
Til þess að hægt sé að fylgjast með og sannreyna árangur af þeirri viðleitni Evrópusambandsins að minnka CO2 útblástur fólksbíla er lagt fyrir aðildarlöndin að skrá í ökutækjaskrá upplýsingar um útblástur á CoC vottorðum nýrra, heildargerðarviðurkenndra bíla. Árlega skal semja tölfræði úr ökutækjaskránni samkvæmt ákveðinni formúlu og senda framkvæmdastjórninni. Stjórnvöld í hverju aðildarlandi skuli upplýsa framkvæmdastjórnina hvaða aðili annast þessa upplýsingaveitu í umboði þeirra og þá ESA í tilviki EFTa-ríkjanna.
Ofangreindar upplýsingar eru skráðar hjá Samgöngustofu í sameiginlegan gagnagrunn fyrir heildarviðurkennda fólksbíla sem Ísland, Noregur, Svíþjóð og Finnland standa að og er rekinn af Samgöngustofu. Auðvelt mun verða að forrita þessa tilgreindu tölfræði á grunni þeirra gagna.