Reglugerð (ESB) 2013/345 - 32013R0345

Reglugerðin hefur að geyma sameiginlegt regluverk um áhættufjármagnssjóði og rekstraraðila þeirra. Í gerðinni er fjallað um ákveðin skilyrði sem fylgja EU VECA. Meðal annars um samsetningu eignasafns þ.e. fjárfestingarheimildir sjóðanna , hæf fjárfestingarmarkmið þeirra, fjárfestingartæki sem þeim er heimilt að beita og flokka fjárfesta sem eru hæfir til að fjárfesta í þeim samkvæmt samræmdum reglum á innri markaðnum.
Því er að finna ákveðnar gæðakröfur í reglum gerðarinnar fyrir þá sem hafa leyfi til að nota heitið „EU VECA“. Reglugerðin gildir aðeins um rekstaraðila sérhæfðra sjóða og teljast því sjóðirnir sérhæfðir. Sjóðirnir þurfa að vera skráðir í sínu heimaríki í samræmi við löggjöf um rekstraraðila sérhæfðra sjóða (AIFMD 2011/61). Þá skulu sjóðirnir vera stofnsettir innan evrópska efnahagssvæðisins.

Tilgangur með gerðinni er að stuðla að vexti og nýsköpun lítilla og meðalstórra fyrirtækja á evrópska efnahagssvæðinu.
Í reglugerðinni er stutt við fjárfestingar þ.e veitingu fjármagns til lítilla fyrirtækja sem eru á fyrstu stigum rekstrar. Áhættufjármagnssjóðir teljast vera sjóðir sem hyggjast fjárfesta a.m.k 70% af heildarhlutafjárframlagi sínu og óinnheimtu stofnfé, sem fjárfestar hafa skráð sig fyrir, í slíkum fyrirtækjum.