Reglugerð (ESB) 2013/346 - 32013R0346

Reglugerðin býr til sameiginlegt regluverk um hæfa félagslega framtakssjóði og rekstraraðila þeirra. Í gerðinni er fjallað um ákveðin skilyrði sem fylgja EU SEF. Meðal annars um samsetningu eignasafns þ.e. fjárfestingarheimildir sjóðanna , hæf fjárfestingarmarkmið þeirra, fjárfestingartæki sem þeim er heimilt að beita og flokka fjárfesta sem eru hæfir til að fjárfesta í þeim samkvæmt samræmdum reglum á innri markaðnum.
Því er að finna ákveðnar gæðakröfur í reglum gerðarinnar fyrir þá sem hafa leyfi til að nota heitið „EU SEF“. Reglugerðin gildir aðeins um rekstaraðila sérhæfðra sjóða og teljast því sjóðirnir sérhæfðir. Sjóðirnir þurfa að vera skráðir í sínu heimaríki í samræmi við löggjöf um rekstraraðila sérhæfðra sjóða (AIFMD 2011/61).

Í reglugerðinni er stutt við fjárfestingar í fyrirtækjum sem leggja áherslu á að hafa mælanleg og jákvæð félagsleg áhrif, en einblína ekki aðeins á hagnað. Félagslegir framtakssjóðir þ.e. þeir sem falla undir EU SEF, og falla því undir gerðina, er þeir sjóðir sem hyggjast fjárfesta a.m.k 70% af heildarhlutafjárframlagi sínu og óinnheimtu stofnfé, sem fjárfestar hafa skráð sig fyrir, í slíkum fyrirtækjum.