32016R1675

Markmiðið með gerðinni er að herða baráttuna gegn hryðjuverkum, peningaþvætti og skattsvikum. Málefnið hefur verið skilgreint sem eitt af helstu öryggismálum ESB.
Aðdragandinn er breytingar á aðferðum hryðjuverkamanna við að fjármagna aðgerðir sínar, auknir möguleikar á að sporna við skattsvikum og fjórða tilskipunin um peningaþvætti 2015/849 og fyrirrennarar hennar. Kveðið er á um listann sem fjallað er um í þessari gerð í tilskipun 2015/849.
Framkvæmdastjórnin hefur þann 5.7.2016 með tillögu sinni að breytingu á tilskipun sinni um aðgerðir gegn peningaþvætti 2015/849 lagt grunninn að því að styrkja enn frekar reglur Evrópusambandsins og þannig hert baráttuna, fjármögnun hryðjuverka og aukið gegnsæi við að meta hver raunverulega á fyrirtæki og sjóði. Með breytingunum á að bregðast við nýjum leið hryðjuverkasamtaka til að afla sér fjár og berjast gegn skattsvikum. Meðal þess sem fram kemur í tilskipuninni er að samræma athuganir á ríkjum og viðskiptavinum frá löndum sem eru á lista yfir ríki þar sem veikleikar eru í eftirliti og aðgerðum gegn peningaþvætti og fjármögnun hryðjuverka. M.a. verður sett upp skrá yfir ríki þar sem slík áhætta er talin vera. Í þessari gerð er listinn settur á fót
Vegna þessarar tilteknu gerðar verður ekki um annan kostnað að ræða en kostnað við innleiðingu.
Samtengin skráa aðildarríkjanna getur orðið til þess að upplýsingar um Íslendinga verði án fyrirstöðu skoðanlegir fyrir yfirvöld og hugsanlega almenning í öðrum ríkjum.
Breyta þarf lögum um aðgerðir gegn peningaþvætti og fjármögnun hryðjuverka, nr. 64/2006 og lögum um fyrirtækjaskrá nr. 17/2003 vegna samtengingar. skráa. Gefa þarf út nýja reglugerð í stað reglugerðar um innleiðingu reglugerðar Evrópuþingsins og ráðsins (EB), nr. 1781/2006 frá 15. nóvember 2006, um upplýsingar um greiðanda sem fylgja skulu við millifærslu fjármuna, nr. 386/2009. Gera nýja reglugerð um áhættusöm lönd.