32017R1902

Samkvæmt ákvörðun nr. 1814/2015 (ESB) skal koma á fót markaðsstöðugleikasjóði á árinu 2018 og sem mun hefja starfsemi 1. janúar 2019. Í samræmi við fyrirfram skilgreindar reglur skal magn losunarheimilda sem sett er í eða tekið úr varasjóðnum hafa áhrif á það magn losunarheimilda sem boðið er upp á hverju 12 mánaða tímabili sem hefst 1. september á tilteknu ári. Á fyrsta ári varasjóðsins skal aðlögunin við uppboðshlutfall vera frá 1. janúar til 1. september 2019. Þær 900 milljónir heimilda sem að upphaflega átti að bjóða upp árin 2019 og 2020 skv. reglugerð Framkvæmdastjórnarinnar nr. 176/2016 verða ekki boðnar upp heldur settar í varasjóðinn. Einnig, losunarheimildir sem að ekki er úthlutað úr sjóði fyrir nýja þátttakendur, eða ekki úthlutað til staðbundinna rekstraraðila vegna lokunar eða stöðvunar reksturs skv. 10.gr. tilskipunar nr. 87/2003/EB, settar í varasjóðinn frekar en boðnar upp.

Ákvörðunin kveður á um breytingar á uppboðsalmanakinu,sem eru fyrirfram ákveðnar dagsetningar og tímasetningar á hvenær uppboð skuli fara fram, auk frekari reglna um framkvæmd uppboða. Almanakið verður aðlagað að magni losunarheimilda sem sett er í eða losað úr varasjóðnum, og breytingar á uppboðsalmanakinu sem stafa af ákvörðun nr. 1814/2015 EB verða gerðar saman með ákvörðun og birtingu uppboðsalmanaks komandi árs.

Einnig inniheldur breytingin nokkrar leiðréttingar á fyrri reglugerð, t.d. um að listi yfir persónur sem mega taka þátt í uppboðum skuli ekki teljast vera trúnaðarupplýsingar, og leiðréttingar á ósamræmi um að skýra að útreikningur á magni losunarheimilda sem bjóða á upp ár hvert taki með í reikninginn sérhverjar breytingar skv. 24 og 27 gr. tilskipunar nr. 87/2003/EB.

Að lokum hefur Bretland upplýst um ákvörðun sína um að taka ekki þátt í sameiginlegum aðgerðum eins og kveðið er á um í 26.gr. reglugerðar nr. 1031/2010 um tilnefningu uppboðsvettvangs með sameiginlegri aðgerð aðildarríkjanna og framkvæmdastjórnarinnar, og að Bretland muni skipa sinn eigin uppboðsvettvang, sem mun vera ICE Futures Europe. Til að tryggja að fyrirhuguð skipan ICE sem annar uppboðsvettvangur Bretlands, og sérstaklega það að gengisreglur ICE uppfylli kröfur reglugerðar nr. 1031/2010, þarf að útvíkka skuldbindingarnar og skilyrðin á ICE sem sett eru fram í viðauka III við Reglugerð 1031/2010.

Ákvæði 30 og 32 í reglugerð 1031/2010 sem fjalla um aðra uppboðsvettvanga en þann samevrópska gilda ekki fyrir Ísland, sbr. ákvörðun sameiginlegu EES-nefndarinnar 152/2012.