32018R1976

Markmið sem að er stefnt: Með drögum að sértækri reglugerð framkvæmdastjórnarinnar um svifflugvélar, er lagt til að færa kröfur um örugga starfrækslu svifflugvéla undir sérstakar reglur. Þetta er gert þar sem starfræksla þeirra er að mörgu leyti ólík starfrækslu annarra loftfara. Stefnt er að einföldun reglnanna og auknum sveigjanleika þannig að þær gangi ekki lengra nauðsynlegt er.
Þar sem reglugerð (ESB) nr. 965/2012 kveður m.a. á um kröfur til starfrækslu svifflugvéla, er með þeirri reglugerð sem hér er til umræðu lagt til að breyta reglugerð (ESB) nr. 965/2012 þannig að þær kröfur gildi ekki lengur. Gert er ráð fyrir að gildistaka beggja reglugerða verði samtímis. Þrátt fyrir framangreint er lagt til að kröfur til eftirlitsstjórnvalda um eftirlit með starfrækslu svifflugvéla verði eftir sem áður í reglugerð (ESB) nr. 965/2012.
Hafa verður í huga að reglugerðin er sett með stoð í NBR (ESB) 2018/1139, og að viðauki V í grunngerðinni um grunnkröfur fyrir starfrækslu loftfara gildir eins og við á um svifflugvélar.
Reglugerðardrögin byggja m.a. á áliti EASA Committee nr. 7/2017 og 10/2017.
Efnisútdráttur: Í núgildandi reglugerð (ESB) nr. 965/2012 er m.a. kveðið á um kröfur um örugga starfrækslu svifflugvéla og er þar kveðið á um kröfur til: eftirlitsstjórnvalda (Annex II), kröfur til fyrirtækja varðandi flugrekstur (Annex III), kröfur til þeirra er stunda flutningaflug (Annex IV), kröfur til þeirra sem ekki stunda flug í ábataskyni á loftfari sem ekki er flókið vélknúið loftfar (Annex VII) og kröfur til þeirra sem stunda sérstaka starfrækslu (Annex VIII).
Beiting þessara ákvæða við starfrækslu svifflugvéla hefur hins vegar verið frestað, og með gildistöku reglugerðar 1084/2018 sem innleiddi reglugerð (ESB) 2018/394 var þeim frestað fram til 2020.
Eins og áður sagði er verið að fella kröfur reglugerðar (ESB) nr. 965/2012 niður, þar sem gert er ráð fyrir að önnur sértæk reglugerð fjalli um kröfur til starfrækslu svifflugvéla.
Fyrir utan áðurgreind ákvæði um svifflugvélar, er með reglugerðinni uppfærðar kröfur um „electronic flight bags“ fyrir loftför, í samræmi við viðauka 6 Alþjóðaflugmálastofnunarinnar (ICAO).
Kröfur um „electronic flight bags“ gilda bæði fyrir loftför í flutningaflugi, sem og loftför í almannaflugi eða sérstakri starfrækslu.
Umsögn: helstu breytingar, mati á umfangi, og áhrif hér á landi: Skoða þarf hvernig rétt er að EFTA ríkin bregðist við því að reglugerðirnar báðar eru settar með stoð í NBR (ESB) 2018/1139. Fyrir Samgöngustofu felur innleiðing reglugerðarinnar í sér uppfærslu á verklagsreglum og handbókum flugrekstrardeildar.
Á Íslandi eru svifflugvélar eingöngu notaðar til frístundaflugs, og því engin starfræksla sem fer fram sem flutningaflug eða sérstök starfræksla. Áhrif af breytingunni eru þau að reglur sem gilda um starfrækslu svifflugvéla verða sveigjanlegri og minna íþyngjandi.
Lagastoð fyrir innleiðingu gerðar: 28. gr. e., 80. gr., sbr. 145. gr. laga um loftferðir nr. 60/1998, með síðari breytingum. Innleiðing færi væntanlega fram með breytingu á reglugerð nr. 237/2014, um tæknikröfur og stjórnsýslureglur í tengslum við starfrækslu loftfara.
Mat eða tilgreining á kostnaði hins opinbera, sveitarfélaga og atvinnulífs og ALMENNINGS, ef einhver er:Kostnaður fyrir Samgöngustofu er óverulegur.
Skörun við starfssvið annarra ráðuneyta: Nei
Horizontal issues: -Sektir, -Aðrar refsingar, -Stofnanir, -Lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.