32019R0320

Commission Delegated Regulation (EU) 2019/320 of 12 December 2018 supplementing of Directive 2014/53/EU of the European Parliament and of the Council with regard to the application of the essential requirements referred to in Article 3(3)(g) of that Directive in order to ensure caller location in emergency communications from mobile devices

Framseld reglugerð framkvæmdastjórnarinnar (ESB) 2019/320 frá 12. desember 2018 um viðbætur við tilskipun Evrópuþingsins og ráðsins 2014/53/ESB að því er varðar beitingu grunnkrafnanna, sem um getur í g-lið 3. mgr. 3. gr. þeirrar tilskipunar, til að tryggja staðsetningu innhringjanda í neyðarsamskiptum úr fartækjum
  • Tillaga sem gæti verið EES-tæk

  • Gerð í skoðun hjá EES-EFTA ríkjunum

  • Drög að ákvörðun sameiginlegu nefndarinnar í skoðun

  • Ákvörðun sameiginlegu nefndarinnar samþykkt en hefur ekki öðlast gildi

  • Tekin upp í EES-samninginn og í gildi

  • Tekin upp í EES-samninginn en ekki lengur í gildi

Staða og svið tillögu/gerðar

Staða tillögu/gerðar ESB gerð sem hefur verið tekin upp í EES-samninginn og er í gildi
Svið (EES-samningur, viðauki) 02 Tæknilegar reglugerðir, staðlar, prófanir og vottun, 02.18 Upplýsingatækni, fjarskipti og gagnavinnsla
Ákvörðun sameiginlegu nefndarinnar (JCD) 158/2019
Samþykktardagur ákvörðunar sameiginlegu nefndarinnar
Þennan dag skulu skilyrði uppfyllt á EES-svæðinu
Staðfestur gildistökudagur
Í gildi á EES-svæðinu

Almennar upplýsingar

Útdráttur

Í þeirri gerð sem hér er til umfjöllunar er kveðið efnislega á um að snjallsímar, sem hafa sambærilega vinnslu- og geymslu eiginleika og tölvur, þurfi að uppfylla ákveðnar kröfur um aðgang að neyðarþjónustu. Með öðrum orðum skulu þeir skulu þeir vera búnir til móttöku og vinnslu Wi-Fi gagna gagna frá Global Navigation Satallite System. Navigation Satallite System er samhæft Galileo kerfi sem komið var á fót á grundvelli reglugerðar (ESB) nr. 1285/2013. Með gerðinni er því í raun kveðið á um að þessi flokkur þráðlauss fjarskiptabúnaðar skuli uppfylla grunnkröfur 3. gr. tilskipunar (ESB) 2014/53, sbr. 1. mgr. 61. gr. fjarskiptalaga, nr. 81/2003, auk almennra krafna um öryggi o.fl., svo heimilt verði að setja hann á markað og taka hann í notkun hér á landi sem og á hinu evrópska efnahagssvæði. Eingöngu óbein áhrif hér á landi.

Nánari efnisumfjöllun

Reglugerðin er um grunnkröfur til þráðlauss fjarskiptabúnaðar á grundvelli g. -liðar, 3. mgr. 3. gr. tilskipunar (ESB) 2014/53 (tilskipunin). Tilskipunin varðar samræmingu krafna til þráðlauss fjarskiptabúnaðar er boðinn er fram á markaði innan EES.
Tilskipuninni er ætlað að tryggja einsleitan markað fyrir þráðlausan fjarskiptabúnað. Í þeim tilgangi eru í tilskipuninni kröfur um öryggi auk krafna til atriða sem eiga að vernda heilsu manna og dýra. Þá eru í tilskipuninni ákvæði um samhæfi rafsegulsviðs og hagnýta notkun tíðnisviðsins.
Hin framselda reglugerð varðar g.-lið 3. mgr. 3. gr. tilskipunarinnar, sbr. einnig g.-lið 3. mgr. 61. gr. fjarskiptalaga nr. 81/2003. Í henni er kveðið efnislega á um að snjallsímar, sem hafa sambærilega vinnslu- og geymslu eiginleika og tölvur, þurfi að uppfylla ákveðnar kröfur um aðgang að neyðarþjónustu. Með öðrum orðum skulu þeir skulu þeir vera búnir til móttöku og vinnslu Wi-Fi gagna gagna frá Global Navigation Satallite System. Navigation Satallite System er samhæft Galileo kerfi sem komið var á fót á grundvelli reglugerðar Evrópuþingsins og ráðsins nr. 1285/2013. Með gerðinni er því í raun kveðið á um að þessi flokkur þráðlauss fjarskiptabúnaðar skuli uppfylla grunnkröfur 3. gr. tilskipunarinnar, sbr. 1. mgr. 61. gr. fjarskiptalaga, auk framangreindra krafna, svo heimilt verði að setja hann á markað og taka hann í notkun hér á landi sem og á hinu evrópska efnahagssvæði.
Í formálsorðum hinnar framseldu reglugerðar er vísað til gríðarlegrar aukningar á notkun farsíma þegar óskað er neyðaraðstoðar en slík tæki eru notuð í 71% tilvika. Þá er fjallað um hvernig framangreindar kröfur munu auka getu til að staðsetja snjallsíma sem hringt er úr og þar með bæta öryggi notenda með bættum viðbrögðum neyðarþjónustuaðila. Telur Póst- og fjarskiptastofnun að slíkt sé til mikilla bóta enda ljóst, og í samræmi við það sem fram kemur í gerðinni sjálfri, að staðsetning á endabúnað sem fengin er í gegnum fjarskiptasendi er í flestum tilfellum mun ónákvæmari.
Í þessu samhengi er nauðsynlegt að líta til þess að Evrópusambandið hefur sett á stofn samevrópskt neyðarnúmer, 112, sbr. alþjónustutilskipun þess (EB) 2002/22 og 49. gr. fjarskiptalaga. Í 3. mgr. 26. gr. þeirra tilskipunar er kveðið á um skyldu aðildarríkja til að tryggja að fyrirtæki, sem reka almenn talsímanet, sjái til þess að upplýsingar um staðsetningu þess sem hringir séu aðgengilegar þeim sem sjá um neyðarþjónustu að því marki sem það er tæknilega gerlegt. Þá er í persónuverndartilskipun Evrópusambandsins á sviði fjarskipta (ESB) 2002/58, að finna ákvæði sem miðar að vinnslu staðsetningargagna vegna neyðarsímtala. Í tilskipuninni er lagt almennt bann við vinnslu slíkra gagna með persónugreinanlegum hætti nema í tilviki neyðarþjónustu, sbr. b. -liður 1. mgr. 10. gr. tilskipunarinnar. Þá má einnig takmarka réttindi einstaklinga á grundvelli tilskipunarinnar á grundvelli almannahagsmuna, sbr. 1. mgr. 15. gr. tilskipunarinnar.
Framangreindar kröfur eru innleiddar í 2. mgr. 43. gr. fjarskiptalaga þar sem að fjarskiptafyrirtækjum hér á landi er gert skylt, og án endurgjalds, að senda staðsetningar um búnað til félaga og stofnana sem annast neyðarþjónustu. Er slíkt heimilt án þess að notandi hafi gefið sérstakt samþykki fyrir slíku og er því einungis heimil í þeim tilgangi að staðsetja neyðarsímtöl. Nær ákvæðið til upplýsinga um staðsetningu búnaðar í almennum fjarskiptanetum eða almennri fjarskiptaþjónustu.
Að mati Póst- og fjarskiptastofnunar er hin framselda gerð að fullu í samræmi við þau markmið sem framangreindum ákvæðum tilskipana Evrópusambandsins og gildandi hérlendum lagaákvæðum er ætlað að ná.
Nú er farin sú leið af hálfu Evrópusambandsins að gera það að grunnkröfu fyrir markaðssetningu tiltekins flokks þráðlauss fjarskiptabúnaðar, þ.e. snjallsíma að finna megi staðsetningu hans með mun nákvæmari hætti og með nýrri samræmdri tækni en hægt hefur verið hingað til. Að mati Póst- og fjarskiptastofnunar mun slíkt án efa bæta þjónustu þeirra aðila sem sinna neyðarsvörun og auka þannig öryggi hins almenna notenda.
Póst- og fjarskiptastofnun bendir þó á mikilvægt er að ekki sé hróflað við núgildandi ákvæðum fjarskiptalaga enda ná þau til mun víðari tegunda fjarskiptabúnaðar en snjallsíma sem eru einn flokkur þráðlauss fjarskiptabúnaðar. Aftur á móti veltir stofnunin því upp hvort skoða þurfi vinnsluheimildir Neyðarlínunnar, sem að mun fá aðgang að staðsetningargögnum á grundvelli þessa, og kann því að vera eðlilegt að bæta við pósitífri vinnsluheimild, t.a.m. í 43. gr. fjarskiptalaga

Staða innan stjórnsýslunnar

Stofnun hefur lokið yfirferð
Þörf á aðlögun í ákvörðun sameiginlegu nefndarinnar Ekki þörf á aðlögun
Fagráðuneyti hefur lokið vinnu við upplýsingablað og samþykkir drög að ákvörðun sameiginlegu nefndarinnar
Utanríkisráðuneyti hefur veitt samþykki fyrir því að drög að ákvörðun sameiginlegu nefndarinnar séu send til ESB

Innleiðing

Innleiðing Reglugerð - breyting eða ný
Tilgreinið hvaða lög eða reglugerð þarf að setja eða breyta Reglugerð um þráðlausan fjarskiptabúnað , Lagastoð 66. gr. laga um fjarskipti nr. 81/2003 með síðari breytingum.
Staða innleiðingarvinnu Innleiðingarvinnu lokið (tilkynnt til ESA – form 1) eða þarfnast ekki innleiðingar

Áhrif

Áætlaður kostnaður hins opinbera Innan fjárhagsáætlunar

Ábyrgðaraðilar

Ábyrgt ráðuneyti Innviðaráðuneytið
Ábyrg stofnun Fjarskiptastofa

Samþykktar gerðir birtar í Stjórnartíðindum ESB

CELEX-númer 32019R0320
Samþykktardagur hjá ESB
Samþykkt tilvísun í Stjórnartíðindi ESB OJ L 55, 25.2.2019, p. 1
Þennan dag skulu skilyrði uppfyllt í ESB

Vinnslustig (pipeline stage)

Dagsetning tillögu ESB
C/D numer C(2018)8383
Dagsetning tillögu
Samþykktardagur i ESB

Ákvörðun sameiginlegu nefndarinnar

Sendingardagur EFTA á drögum að ákvörðun sameiginlegu nefndarinnar til framkvæmdastjórnarinnar
Samþykktardagur
Staðfestur gildistökudagur
Tilvísun í EES-viðbæti EEA Supplement No 74, 10.11.2022, p. 39
Tilvísun í stjórnartíðindi ESB OJ L 291, 10.11.2022, p. 38