32019R0628

Reglugerðin setur fram fyrirmyndir af opinberum vottorðum sem þurfa að fylgja dýrum, dýraafurðum, samsettum afurðum, kímefnum (e. Germinal products) og aukaafurðum úr dýrum, sem fluttar eru inn á evrópska efnahagssvæðið frá þriðju ríkjum skv. kröfum sem gerðar eru í eftirlitsreglugerðinni (EU) 2017/625. Einnig eru settar fyrirmyndir af vottorðum fyrir innflutning og markaðssetningu til manneldis af afurðum lifandi skordýra, spírum og fræjum sem notuð eru til þess að rækta spírur og vottorðum fyrir skoðun dýra fyrir slátrun þegar neyðarslátrun á sér stað utan sláturhúss.
Reglugerðin inniheldur fyrirmynd af vottorðum fyrir:
- Viðauki 1: Dýr, dýraafurðir, samsettar afurðir, kímefni (sæði, eggfrumur, fóstur) og aukafurðir dýra.
- Viðauki 3: Vörur sem ætlaðar eru til manneldis og eru fluttar inn í EES eða markaðssettar. Þ.e. Lifandi samlokur, skrápdýr, möttuldýr og sæsniglar (part I), fiskafurðir (part II), froskalappir (part III), sniglar (part IV), dýrafita (part V), gelatín (part VI), kollagen (part VII), hráefni til framleiðslu á kollageni og gelatíni (part VIII), meðhöndlað hráefni til framleiðslu á gelatíni og kollageni (part IX), hunang og aðrar afurðir hunangsflugna (part X), chondroitin súlfat, hýalúron sýra, önnur brjóskefni, chitosan, glucoseamine, rennet, isinglass og aminó sýrur (part XI), skriðdýrakjöt (part XII), skordýr (part XIII), aðrar dýraafurðir til manneldis sem ekki eru taldar upp í gr. 7 og 35 í framkvæmdagerð (EU) 2019/628 (part XIV), spírur og fræ til framleiðslu spíra (part XV)
- Viðauki IV: skoðanir á dýrum áður en farið er með þau til sláturhúss
- Viðauki V: vegna neyðarslátrunar utan sláturhúss í samræmi við gr. 4 í reglugerð EU 2019/624.

Breytingar:
Breytingar á fyrirmyndum vottorða og breytingar eru á skilyrðum sem vörurnar þurfa að uppfylla og staðfest er með útgáfu vottorðs í viðkomandi útflutningslandi

Reglugerð framkvæmdarstjórnarinnar EC 2074/2005, innleidd með reglugerð 104/2010, breytt þannig að ákvæði um fyrirmyndir vottorða fyrir froskalappir, snigla, gelatín, kollagen og hráefni til framleiðslu gelatíns og kollagens, falla úr gildi.
Framkvæmdareglugerð framkvæmdastjórnarinnar EU 2016/759, innleidd með reglugerð 285/2017, er breytt þannig að fyrirmynd af vottorðum fyrir froskalappir, snigla, gelatín, kollagen og hráefni til framleiðslu gelatíns og kollagens, meðhöndlað hráefni til framleiðslu gelatíns og kollagens, hunang, og ýmsum efnum s.s. brjóskefnum og aminó sýrum, falla úr gildi.
Reglugerð EU 211/2013 sem innleidd er með reglugerð nr. 234/2014 um kröfur varðandi útgáfu vottorða til innflutnings á spírum og fræjum til framleiðslu á spírum, er felld úr gildi.

Reglugerðin tekur gildi 14. desember 2019.