32019R0986

Aðdragandi: Þann 1. september 2019 tekur við ný prófunaraðferð, WLTP, Worldwide Harmonised Light Vehicle Test Procedure, í stað NEDC, New European Driving Cycle, til að mæla koltvísýringslosun og eldsneytisneyslu léttra, atvinnuökutækja. Þessi nýja framkvæmd, þ.e. svokölluð WLTP-aðferð, byggir á þeim aðferðum sem mælt er fyrir um í reglugerð 2017/1151/ESB. Eldri aðferðin, NEDC, var notuð samkvæmt ákvæðum reglugerðar 692/2008/EB.
Í reglugerð 510/2011/ESB eru settar fram kröfur um mengunarvarnargetu vegna losunar koltvísýrings fyrir ný, létt atvinnuökutæki. Viðaukum I og II við reglugerð 510/2011/ESB er breytt með hliðsjón af því að nýja aðferðin, þ.e. WLTP-aðferð leysir þá eldri af hólmi við mælingu á losun koltvísýrings og eldsneytisnotkunar sendibíla.
Markmið sem að er stefnt: Markmiðið er að beita nýjum prófunaraðferðum til að mæla koltvísýringslosun og eldsneytisneyslu léttra atvinnuökutækja.
Efnisútdráttur: Reglugerðin inniheldur tvö ákvæði auk viðauka.
1. gr. – Breytingar eru gerðar á I. viðauka (markmið um sértæka losun koltvísýrings) og II. viðauka (vöktun á losun og skýrslugjöf) við reglugerð 510/2011/ESB í samræmi við viðauka þessarar reglugerðar.
2. gr. – Gildistökuákvæði.
Viðauki.
Umsögn: helstu breytingar, mati á umfangi, og áhrif hér á landi: Ætla má að ákvörðun þessi hafi engin áhrif þar sem engir framleiðendur ökutækja eru hér á landi.
Lagastoð fyrir innleiðingu gerðar: Reglugerðin verður innleidd í reglugerð um gerð og búnað ökutækja nr. 822/2004 með stoð í 60. gr. umferðarlaga nr. 50/1987.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Enginn kostnaður.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.