Reglugerð Evrópuþingsins og ráðsins (ESB) nr. 1021/2019 frá 20. júní 2019 um þrávirk lífræn mengunarefni - 32019R1021

Fyrsta grein reglugerðarinnar er nánast óbreytt en titlinum hefur verið breytt og 2. mgr. hefur verið færð í 3. grein reglugerðarinnar.
Önnur grein er sú sama og í eldri reglugerðinni að undanskildum 6 nýjum skilgreiningum sem hefur verið bætt við.
Þriðja málsgrein er lítillega breytt frá eldri reglugerðinni. Titlinum hefur verið breytt aðeins og tveimur nýjum málsgreinum hefur verið bætt við. Önnur þeirra fjallar um skyldur framkvæmdarstjórnarinnar vegna tilnefningar á efnum á listana um bann eða takmarkanir í reglugerðinni. Hin nýja málsgreinin fjallar um úrgang og var færð til úr 1. grein reglugerðarinnar.
Við fjórðu grein hefur verið bætt d-lið í 3. málsgrein sem er nýr liður. Þessi hluti snertir upplýsingaskyldu framleiðenda til aðildarríkja sem snertir notkun þrávirkra lífrænna mengunarefna og magn þess sem er notað.
Fimmta grein er næstum eins og í eldri reglugerðinni, orðalagið er aðeins breytt.
Sjötta grein er næstum eins og í eldri reglugerðinni, orðalagið er aðeins breytt.
Sjöunda grein er næstum eins og í eldri reglugerðinni, orðalagið er aðeins breytt. 5. málsliður í eldri reglugerðinni hefur verið færður í 2. málslið 15. greinar. 7. málsliður hefur verið tekin úr en hann hefur enga þýðingu lengur sökum liðinnar dagssetningar.
Áttunda grein er ný. Skyldur stofnunarinnar og ráðsins. Þau skulu gefa tæknilega og vísindalega aðstoð til aðildarríkja og framkvæmdarstjórnarinnar. Þau skulu birta á vefsíðu sinni upplýsingar um ný efni á lista þessarar reglugerðar. Ráðið skal taka saman, skrá, meðhöndla og gera aðgengilegar fyrirframkvæmdarráðinu og lögbærum yfirvöldum aðildarríkja upplýsingar sem hafa komið fyrir í tengslum við þessa reglugerð.
Ráðið skal samræma net þeirra yfirvalda aðildarríkja sem ber ábyrgð á framfylgd þessarar reglugerðar. Þeir meðlimir ráðsins sem eru tilnefndir af aðildarríkjum skulu tryggja að vinna ráðsins og lögbærra yfirvalda aðildarríkja sé samræmd.
Níunda grein er eins og 8. grein í eldri reglugerðinni með smá breytingu á uppröðunni.
Tíunda grein er eins og 9. grein í eldri reglugerðinni fyrir utan að það er fjallað aðeins ýtarlegra um mat á þörf á skyldubundinni vöktun.
Ellefta grein er eins og 10. grein í eldri reglugerðinni.
Tólfta grein er eins og 11. grein í eldri reglugerðinni.
Þrettánda grein samsvarar 12. grein eldri reglugerðarinnar að hluta til. Við 1. málslið greinarinnar bætist undirliður d. Annar málsliður er nýr og snertir skyldu aðildarríkja til skýrsluskila vegna efna í 3. viðauka reglugerðarinnar sem fjallar um efni sem falla undir ákvæði um að draga úr losun.

Fjórtánda grein er eins og 13. grein í eldri reglugerðinni.
Fimmtánda grein er sameining ákvæða eldri reglugerðarinnar. Málsliðir 14. greinar eldri reglugerðarinnar eru sameinaðar og textinn styttur. Þar að auki er 5. málsliður 7. greinar eldri reglugerðarinnar færður í þessa grein en textinn er einfaldaður.
Sextánda grein er ný grein sem fjallar um fjármagn (Evrópu) stofnunarinnar. Styrkur frá Evrópusambandinu mun vera í fjárhagsáætlun. Þar að auki verður valfrjálst fjármagn frá aðildaríkjum. Yfirlitið yfir eyðslu og fjármagn skal vera sameinað við aðgerðir tengdar reglugerð (ESB) nr. 649/2012.
Sautjánda grein er ný grein sem fjallar um snið og forrit vegna birtingar eða tilkynninga á upplýsingum. Stofnunin ákveður sniðið í samstarfi við aðildarríkin. Þetta skal vera í samræmi við tilskipun 2007/2/EB.
Átjánda grein er ný grein sem fjallar um beitingu framsals. Framkvæmdarstjórnin hefur vald til beitingu framsals. Við beitingu framsals skal Evrópuþingið og ráðið vera upplýst. Framsalið tekur aðeins gildi ef Evrópuþingið og ráðið samþykkir eða mótmælir ekki.
Nítjánda grein er eins og 15. grein eldri reglugerðarinnar og fjallar um það að aðildaríki skulu tilgreina lögbært yfirvald.
Tuttugasta grein er sameining á 16. og 17. greinum eldri reglugerðarinnar. Textinn hefur verið einfaldaður.
Tuttugasta og fyrsta grein fellir eldri reglugerðina, nr. 850/2004/EB, úr gildi.
Tuttugasta og önnur grein fjallar um gildistöku, reglugerðin tekur gildi 20 dögum eftirbirtingu hennar í Stjórnartíðindum Evrópusambandsins.
Fyrsti til fimmti viðaukar eru sömu viðaukar og í gömlu reglugerðinni.
Sjötti viðauki er listi yfir brottfallnar reglugerðir í kjölfar þessarar reglugerðar.
Sjöundi viðauki er samanburðarlisti við reglugerð 850/2004.