32020R0358

Markmið sem að er stefnt: Um er að ræða framkvæmdarreglugerð um breytingu á reglugerð (ESB) 2018/1976 að því er varðar flugmannsskírteini fyrir svifflugur.
Þar sem eðli starfrækslu sviffluga er annars eðlis en starfræksla annarra loftfara þykir rétt að kveða á um reglur um þær í sérstökum reglugerðum.
Markmið með þessari gerð er að bæta kröfum vegna flugmannskírteina fyrir svifflugur við reglugerð (ESB) 2018/1976. Kröfurnar hafa verið einfaldaðar og aðlagaðar svifflugum.
Aðdragandi: Samkvæmt kröfum sem settar eru fram í reglugerð (ESB) 2018/1139 skal framkvæmdastjórnin samþykkja nauðsynlega útfærslu á kröfum til flugmannsskírteina fyrir svifflugur.
Þar sem eðli starfrækslu sviffluga er annars eðlis en starfræksla annarra loftfara þykir rétt að kveða á um reglur um þær í sérstökum reglugerðum. Kröfurnar byggja á almennum reglum til flugmannsskírteina eins og mælt er fyrir um í reglugerð (ESB) nr. 1178/2011. Reglurnar eru einfaldaðar og aðlagaðar sérstaklega að svifflugum.
Efnisútdráttur: Með þessari gerð eru gerðar breytingar á reglugerð (ESB) 2018/1976 og viðaukum við hana. Efni og gildissviði reglugerðarinnar, sem hefur eingöngu tekið til flugrekstrarkrafna fyrir svifflugur, er breytt þannig að nú tekur reglugerðin einnig til útgáfu og endurnýjunar flugmannsskírteina fyrir svifflugur auk tilheyrandi áritana og vottorða.
Þá eru ákvæði reglugerðarinnar varðandi starfrækslu sviffluga uppfærð.
Í reglugerðinni kemur fram að skírteini vegna sviffluga sem gefin eru út fyrir gildistöku þessarar gerðar skuli breyta í skírteini sem gilda samkvæmt þessari gerð. Það skal gert með umbreytingarskýrslu í samráði við EASA.
Þá kemur fram að þjálfun svifflugmanna sem hófst fyrir gildistöku gerðarinnar skuli metin sem gild enda fari hún eftir víðtækari þjálfunarkröfum en þær sem kynntar eru með þessari gerð.
Þjálfunarfyrirtæki fái viðeigandi tímafresti til að breyta þjálfunaráætlunum sínum til samræmis við breyttar kröfur.
Umsögn: helstu breytingar, mati á umfangi, og áhrif hér á landi: Engin flugmannsskírteini fyrir svifflugur hafa verið gefin út af Samgöngustofu og ekki er fyrirséð að það breytist. Engir hagsmunaaðilar hérlendis.
Lagastoð fyrir innleiðingu gerðar: Lagastoðin er 31. gr., 32. gr. og 145. gr. laga um loftferðir nr. 60/1998.
Rétt væri að reglugerðin yrði innleidd með breytingu á reglugerð nr. 180/2014 um áhöfn í almenningsflugi.
Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Reglugerðin sækir stoð í reglugerð (ESB) 2018/1139 sem hefur ekki verið tekin upp í EES-samninginn og ekki innleidd hér á landi.