32020R0746

Markmið sem að er stefnt: Vegna áhrifa COVID-19 faraldursins, t.a.m. á getu framleiðenda til að setja á markað kerfi fyrir ómönnuð loftför (UAS) sem uppfylla nýjustu kröfur samkvæmt reglugerð (ESB) 2020/945, er nauðsynlegt að fresta gildistöku ýmissa ákvæða í framkvæmdareglugerð (ESB) 2019/947.
Ákvæðin snúa einkum að kröfum um:
- stafræn skráningarkerfi fyrir ómönnuð loftför
- aðlaganir á leyfum, yfirlýsingum og skírteinum útgefnum á grundvelli landsréttar aðildarríkja
- undirbúning prófunaraðferða,
- prófanir á tæknilegum eiginleikum
Efnisútdráttur: Með þessari gerð er framkvæmdareglugerð (ESB) 2019/947 breytt þannig að tiltekin atriði sem koma áttu til framkvæmda 1. júlí 2021 og 1. júlí 2022 er frestað þannig að komi til framkvæmda eftir atvikum frá 1. janúar 2022 og 1. janúar 2023.
Eftirfarandi breytingar eru gerðar á (ESB) 2019/947:
Ákvæði 20. gr. um notkun UAS kerfa fyrir ómönnuð loftför í opnum flokki sem koma átti til framkvæmda 1. júlí 2022, er frestað til 1. janúar 2023.
Ákvæði 21. gr. um aðlaganir á leyfum, yfirlýsingum og skírteinum útgefnum á grundvelli landsréttar aðildarríkja er breytt þannig:
- UAS leyfi útgefin á grundvelli landsréttar aðildarríkis halda gildi til 1. janúar 2022, í stað 1. júlí 2021.
- krafa um að aðildarríkin hafi lokið umbreytingum á flugmannsskírteinum og rekstrarleyfum vegna ómannaðra loftfara fyrir 1. júlí 2021, er frestað til 1. janúar 2022.
- UAS rekstraraðilar sem starfa innan ramma áhugamannafélaga- og samtaka eru mega starfa áfram á grundvelli landsréttar fram til 1. janúar 2023, í stað 1. júlí 2022.
Ákvæði 22. gr. er aðlögunartímabil varðandi UAS kerfi fyrir ómönnuð loftför, sem ekki uppfylla kröfur reglugerðar (ESB) 2019/945, lengt úr 24 mánuðum í 30 mánuði.
Þá er gildistökuákvæði reglugerðarinnar breytt þannig að hún gildi frá 31. desember 2020, í stað 1. júlí 2020.
Umsögn: helstu breytingar, mati á umfangi, og áhrif hér á landi:
Breytingarnar hafa ekki áhrif hér á landi enn sem komið er. Um er að ræða breytingu á gerð sem hefur ekki verið innleidd og ákvæðum þ.a.l. ekki beitt að svo stöddu.
Lagastoð fyrir innleiðingu gerðar: Lagastoð er að finna í 2. gr. laga um loftferðir, nr. 60/1998. Innleiðing verður með nýjum reglugerðum.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Enginn kostnaður við innleiðingu þessarar reglugerðar.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Gerðin breytir reglugerð (ESB) 2019/947 sem ekki hefur verið tekin upp í EES-samninginn.