32021R0535

Markmið sem að er stefnt: Verið að laga og breyta reglum sem gilda um framkvæmd reglugerðar (ESB) nr. 2019/2144 um ferli við gerðarviðurkenningu ákveðinna ökutækja o.fl.
Aðdragandi: Verið að setja fram reglur um samræmt verklag, tæknilegar kröfur og kröfur til öryggis ákveðinna ökutækja. Gildissvið þessarar reglugerðar er það sama og gildissvið reglugerðar (ESB) 2019/2144. Ákvæði um ferli gerðarviðurkenninga í reglugerð (ESB) 2018/858 eiga við um þessa reglugerð. Verið er að gera það einfaldara að fá gerðarviðurkenningu á ákveðnum hlutum ökutækis, þó eingöngu sé um að ræða evrópska gerðarviðurkenningu, svo fremi að það uppfyllir ákveðnar kröfur sem fjallað er um í II. viðauka reglugerðarinnar.
Efnisúrdráttur:
1. gr. fjallar um gildissvið reglugerðarinnar en í reglugerðinni eru útlistuð þau ákvæði sem gilda fyrir framkvæmd prófana fyrir evrópska gerðarviðurkenningu og gerðarviðurkenningu í ákveðnum tilvikum.
2. gr. fjallar um skilgreiningar.
3. gr. fjallar um umsókn um gerðarviðurkenningu.
4. gr. fjallar um veitingu gerðarviðurkenningar.
5. gr. fjallar um umsókn um evrópska gerðarviðurkenningu til gerðarviðurkenningaryfirvalds af hálfu framleiðanda.
6. gr. fjallar um veitingu evrópskrar gerðarviðurkenningar.
7. gr. fjallar um umsókn um um evrópska sérstaka tæknilega gerðarviðurkenningu á kerfum og búnaði.
8. gr. fjallar um veitingu evrópskrar sérstakrar tæknilegrar gerðarviðurkenningu á sérstökum tæknibúnaði.
9. gr. fjallar um umsókn um evrópska gerðarviðurkenningu á íhlutum.
10. gr. fjallar um veitingu evrópskrar gerðarviðurkenningar á íhlutum.
11. gr. fjallar um gerðarviðurkenningarmerki
12. gr. fjallar um bráðabirgða ákvæði, e. transitional provisions,
Í 2. mgr. 12. gr. kemur fram að landsyfirvöld skulu hafna skráningu á grundvelli VIN númera sem ekki uppfylla kröfur reglugerðar (ESB) 2019/2144 frá 7. júlí 2026.
Í 4. mgr. kemur fram að landsyfirvöld skulu hafna skráningu nýrra gerða ökutækja sé ekki nægilegt pláss fyrir númeraplötur á ökutækjum framan verðum. Jafnframt skal ekki veita skráningu til ökutækja sem uppfylla ekki tæknilegar kröfur sem fram koma í 2. hluta III. viðauka með hliðsjón af II. viðauka reglugerðar (ESB) 2019/2144, frá 7. júlí 2026.
Í 5. mgr. kemur fram að í samræmi við 1. mgr. 15. gr. reglugerðar (ESB) 2019/2144 skulu landsyfirvöld heimila sölu og skráningu ökutækja, kerfa, íhluta og aðskildra tæknilegra hluta sem hafa verið gerðarviðurkennd fyrir 6. júlí 2022. Veita skal framlengingu fresta fyrir þessi ökutæki á grundvelli reglugerða (EB) nr. 78/2009, 79/2009 og 661/2009.
13. gr. fjallar um upplýsingaskipti.
14. gr. fjallar um gildistöku en reglugerðin skal gilda frá 6. júlí 2022.
Með reglugerðinni eru 14. viðaukar, rúmlega 200 bls. þar sem fjallað er nánar um kröfur til þeirra atriða sem kynnt hafa verið hér að framan.
Umsögn: helstu breytingar, mati á umfangi, og áhrif hér á landi: Verið er að samræma betur reglur um upplýsingaplötur með VIN númeri og svæði fyrir skráningarmerki á ökutækjum framan verðum. Áður voru bara gerðar kröfur til slíkra svæða á ökutækjum aftan verðum. Þá eru gerðar kröfur til vetnisökutækja og til stærðar ökutækja. Gerðar eru kröfur til lögunar ökutækja til að draga úr hættu á árekstrum við óvarða vegfarendur og annarra þátta. Allt þetta á við um ný ökutæki með gerðarviðurkenningu. Í framtíðinni þyrfti að uppfæra reglugerðir m.t.t. þessarar reglugerðar og einnig skoðunarhandbókina þegar þar að kemur.
Ísland veitir þjóðargerðarviðurkenningu en ekki er starfandi framleiðandi hér á landi eins og er og því hefur þessi gerð ekki áhrif hér með beinum hætti eins og stendur. Þó þurfa landsyfirvöld að hafa dagsetningar í huga sem fram koma í 12. gr. varðandi heimild til að skrá ökutæki sem uppfylla eldri kröfur o.fl. og uppfæra reglugerðir og skoðunarhandbók eins og að framan greinir.
Lagastoð fyrir innleiðingu gerðar: 69. gr. umferðarlaga nr. 77/2019. Innleitt í reglugerð um gerð og búnað ökutækja nr. 822/2004.
Þýðing á íslensku?(*) Nei.
Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Óverulegur en aukin vinna við uppfærslu reglugerða og skoðunarhandbóka.
Skörun við starfssvið annarra ráðuneyta: Gæti mögulega gert auknar kröfur um markaðseftirlit Neytendastofu.
Tilgreining á hagsmunaaðilum: Gæti mögulega gert auknar kröfur um markaðseftirlit Neytendastofu.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei