32021R0666

Markmið sem að er stefnt: Markmið með gerðinni er að gera nauðsynlegar breytingar á reglugerð (ESB) 923/2012 í þeim tilgangi að starfrækja megi mönnuð loftför sem eru ekki háð flugstjórnarþjónustu á öruggan hátt samhliða ómönnuðum loftförum í U-space loftrýminu. Efnisútdráttur: Um er að ræða framkvæmdareglugerð framkvæmdastjórnarinnar (ESB) nr. 2021/666 um breytingu á reglugerð (ESB) nr. 923/2012 að því er varðar kröfur um mannað flug sem er starfrækt í U-loftrými. Í framkvæmdareglugerð (ESB) nr. 923/2012 er mælt fyrir um sameiginlegar flugreglur og rekstrarákvæði um þjónustu og verklagsreglur fyrir flugleiðsögu. Með þessari reglugerð eru gerðar nauðsynlegar breytingar á reglugerð (ESB) 923/2012. Breytingarnar snúa að kröfum um mannað flug innan U-space loftrýmisins. Breytingarnar snúa einkum að skilgreiningum á U-loftrými og kröfum um samskiptamáta.Umsögn: helstu breytingar, mati á umfangi, og áhrif hér á landi: Minni háttar Í dag er reglugerð. (ESB) 923/2012 ekki beitt á Íslandi en fyrirhugað er að beita reglugerðinni. Þessi breyting hefur engin áhrif á þá fyrirætlan en ef reglugerðin verður innleidd áður en af þeirri fyrirætlan verður þarf að innleiða þessar skilgreiningar sérstaklega með breytingu á flugreglum nr. 770/2010. Lagastoð fyrir innleiðingu gerðar: Lagastoðin er 57. gr. a, 5. mgr. 75. gr. og sbr. 145. gr. laga um loftferðir nr. 60/1998 með síðari breytingum. Rétt væri að reglugerðin yrði innleidd með breytingu á reglugerð nr. 770/2010 um flugreglur – nema, eins og áður segir, ákvörðun um beitingu (ESB) 923/2012 hefur verið hrint í framkvæmd. Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður við innleiðingu þessarar reglugerðar er metinn enginn. Skörun við starfssvið annarra ráðuneyta: NeiTilgreining á hagsmunaaðilum: Isavia, ANS og rekstraraðilar dróna. Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.