32021R1958

Markmið sem að er stefnt: Markmiðið er að auka umferðaröryggi. snjall-hraðahjálpar kerfi, e. The Intelligent Speed Assistance, ISA, er eitt af þeim kerfum sem gerð er krafa um að verði í nýjum ökutækjum frá miðju ári 2022. Þessi krafa er sett fram í endurskoðaðri útgáfu af reglugerð (EB) 2019/2144, e. General Vehicle Safety Regulation. Kerfið mun vekja athygli ökumanns á því hvenær ekið er yfir hámarkshraða. Með því eykur það umferðaröryggi. Í reglugerðinni eru settar fram kröfur og prófunaraðferðir fyrir viðurkenningu á ökutækjum sem hafa ISA.Aðdragandi: Í 6. gr. reglugerðar (EB) 2019/2144 er gerð krafa um að einkabifreiðar, hópbifreiðar, sendibifreiðar og vörubifreiðar, þ.e. ökutæki í flokkum M og N, séu búin þró�ðum ökutækjakerfum. Þar á meðal eru snjall-hraðahjálpar kerfi (ISA). Í viðauka II við reglugerð (EB) 2019/2144 eru settar fram grunnkröfur fyrir gerðarviðurkenningar á vélknúnum ökutækjum með tilliti til þessara kerfa.Nauðsynlegt er að setja nákvæmar reglur um prófunaraðferðir og tæknilegar kröfur fyrir gerðarviðurkenningu á vélknúnum ökutækjum með tilliti til kerfanna sem og fyrir gerðarviðurkenningu á slíkum kerfum einum og sér.Í samræmi við 3. mgr. 3. gr. reglugerðar (EB) 2019/2144 á kerfið að aðstoða ökumann við að halda viðeigandi aksturshraða miðað við aðstæður með því að veita sérhæfða og viðeigandi endurgjöf. Sem stendur eru nokkrir tæknilegir möguleikar til að nota endurgjafar aðferð, e. feedback methodology, sem grunn í þessu kerfi. Aftur á móti er ekki hægt að nota alla þessa möguleika í öllum vélknúnum ökutækjum vegna tæknilegra eiginleika þeirra. Þess vegna er nauðsynlegt að tilgreina þær endurgjafar aðferðir sem eru sambærilega öruggar og skilvirkar þrátt fyrir mun á virkni þeirra. Viðeigandi væri að heimila margar slíkar aðferðir og leyfa framleiðendum að velja hverja sem er til að byggja sín eigin kerfi á.Nauðsynlegt er að koma á fót skrá yfir umferðarmerki í hverju aðildarríki til að prófa tæknilega möguleika ISA-kerfisins. Upplýsingarnar í slíkri skrá ættu að vera notaðar til að veita og meta gerðarviðurkenningar og með svigrúmi til að hafa hliðsjón af gildandi umferðarreglum í hverju landi.Mat á skilvirkni hinna mismunandi endurgjafar aðferða og mismunandi virkni þessara kerfa við raunverulegar aðstæður mun aðeins vera mögulegt þegar nokkur fjöldi ökutækja með slík kerfi eru fáanleg. Á hinn bóginn er nauðsynlegt að mat á frammistöðu kerfanna, byggt á mismunandi endur gjafar aðferðum sé framkvæmt án tafar. Það þarf að gera eigi síðar en 31. desember 2025 til að ná upplýsingum um alla mögulega umferðaröryggiskosti þessara kerfa. Viðeigandi tækni og reynsla við raunverulegar aðstæður má gera ráð fyrir að verði í boði frá því í júlí 2024.Til að gefa framkvæmdastjórninni kost á að meta frammistöðu endur gjafar aðferðanna sem gert er ráð fyrir í þessari reglugerð eins fljótt og mögulegt er er nauðsynlegt að krefjast þess að framleiðendur leggi fram viðeigandi upplýsingar til þess viðurkenningaryfirvalds sem veitti gerðarviðurkenninguna. Þess yrði jafnfrat krafist að viðkomandi viðurkenningaryfirvald safni saman upplýsingunum og komi þeim til framkvæmdastjórnarinnar.Í töflu í II. viðauka við reglugerð (EB) 2019/2144 sem inniheldur lista yfir kröfur sem vísað er til í grein 4(5) og 5(3) í reglugerðinni eru engar tilvísanir til reglugerðarákvæða um snjall-hraðahjálpar kerfin. Þess vegna er nauðsynlegt að bæta við tilvísun í þessa reglugerð í þeim viðauka.