32022D0173

Ákvörðunin er hluti af áætlun um stafræna umbreytingu ESB fram til ársins 2030. Í ákvörðun 243/2012/EU er kveðið á um að aðildarríkin stuðli að því að þjónustuveitendur geti uppfært netkerfi sín í samræmi við bestu mögulegu tækni á hverjum tíma. Í samræmi við þetta er stefnt að því að 900 MHz og 1800 MHz tíðnisviðin verði notuð með tíðnibútum sem verða að minnsta kosti 5 MHz að stærð svo tíðnisviðin geti nýst í 5G kerfi framtíðarinnar. Með 900 MHz tíðnisviði er átt við 880-915 MHz og 925-960 MHz. Með 1800 MHz tíðnisviðinu er átt við 1710-1785 MHz og 1805-1880 MHz. Ákvörðun framkvæmdastjórnarinnar 2009/766/EC hefur sett fram þau tæknilegu skilyrði sem gilt hafa á bæði 900 MHz og 1800 MHz tíðnisviðinu. Með upptöku hinnar nýju ákvörðunar og meðfylgandi viðauka verður hún felld niður að því undanskildu að 5. grein hennar og viðauki skulu halda gildi sínu í 30 mánuði eftir upptöku nýju ákvörðunarinnar. Ástæða þessa er að eldra GSM kerfi er enn til staðar en ætlunin er að það verð aflagt í lok ársins 2025. Innleiðing á sér stað með vísun til gerðarinnar í opinberu tíðniskipulagi sem Fjarskiptastofa birtir á heimasíðu sinni. Innleiðing hefur ekki í för með sér kostnaðaráhrif.