Breyting á evrópskum lista yfir endurvinnslustöðvar skipa samkvæmt reglugerð (ESB) nr. 1257/2013 - 32022D0691

Grein 6(2) gr. í reglugerð (ESB) nr. 1257/2013 gerir kröfu um að skipaeigendur tryggi að skip skuli eingöngu endurunnin í skipaendurvinnslustöðvum sem eru birt í Evrópuskrá yfir skipaendurvinnslustöðvar samkvæmt gr. 16 í reglugerðinni. Evrópuskrá yfir skipaendurvinnslustöðvar er birt í framkvæmdarákvörðun framkvæmdastjórnarinnar (EU) 2016/2323.Framkvæmdarákvörðun framkvæmdastjórnarinnar (EU) 2022/691 breytir framkvæmdarákvörðun (EU) 2016/2323 varðandi gildandi Evrópuskrá yfir skipaendurvinnslustöðvar. Gerðin birtir í viðauka, uppfærða skrá yfir 45 skipaendurvinnslustöðvar. Þar af eru af 34 stöðvar í A hluta viðaukans sem nær yfir skipa-endurvinnslustöðvar staðsettar í aðildarríkjunum og Noregi og í B hluta viðaukans sem nær yfir 11 skipaendurvinnslustöðvar sem staðsettar eru í þriðju ríkjum, en þar af eru átta í Tyrklandi, ein í Bandaríkjunum og tvær í Bretlandi. Í A hluta viðaukans (aðildarríki) hafa orðið eftirfarandi breytingar:Ein ný skipaendurvinnslustöð hefur verið samþykkt af yfirvöldum í Hollandi.Ein skipaendurvinnslustöð í Portúgal fer af lista, þar sem ekki náðist að endurnýja leyfið fyrir 31.12.2021.Einnig hafa verið gerðar nokkrar uppfærslur á gildistímum, nöfnum og tengiliðaupplýsingum nokkurra skipaendurvinnslustöðva. Í B hluta viðaukans (þriðju ríki) hafa orðið eftirfarandi breytingar:Tvær nýjar skipaendurvinnslustöðvar staðsettar í öðrum hlutum Bretlands en á Norður-Írlandi hafa verið samþykktar. Evrópuskráin er uppfærð í samræmi við ofangreint.