Innleiðingarreglugerð um geymslurými fyrir úrgang um borð í skipum - 32022R0089

Gerðin er innleiðingargerð framkvæmdastjórnarinnar sem sett er samkvæmt heimild í  tilskipun um aðstöðu í höfnum til að taka á móti úrgangi skipa og farmleifum (Directive (EU) 2019/883 of the European Parliament and of the Council of 17 April 2019 on port reception facilities for the delivery of waste from ships, amending Directive 2010/65/EU and repealing Directive 2000/59/EC).Ákvörðun Sameiginlegu EES nefndarinnar nr. 191/2022 um upptöku tilskipunar 2019/883 hefur ekki tekið gildi þar sem staðfesting á stjórnskipulegum fyrirvara allra EES EFTA ríkjanna liggur ekki fyrir ennþá.Samkvæmt tilskipun 2019/883 er almenna reglan sú að skip eigi að skila úrgangi í land. Á því er undantekning ef nægilegt geymslurými er fyrir úrgang sem myndast um borð þar til skipið kemur til næstu hafnar, sbr. grein 7(4) í tilskipuninni. Í gerðinni er mælt fyrir um hvernig reikna eigi út hvort nægilegt geymslurými sé um borð fyrir úrgang (nema úrgang sem fellur undir viðauka II við MARPOL og úrgang sem kemur upp með veiðarfærum). Einnig er í gerðinni mælt fyrir um hvaða viðmið eigi að nota til að meta hvort upplýsingar um það hversu mikill úrgangur muni myndast á leið til næstu hafnar eru réttar í tilkynningum um úrgang og farmleifar. Innleiðing gerðarinnar hefur í för með sér að taka verður upp nýtt verklag við yfirferð yfir tilkynningar og farmleifar hjá hafnaryfirvöldum, Umhverfisstofnun og hafnarríkiseftirliti Samgöngustofu. Í samræmi við ákvæði tilskipunar EB 2019/883 verður um aukið eftirlit að ræða. Innleiðing gerðarinnar hefur því kostnað í för með sér fyrir þá aðila sem taka á móti tilkynningum um úrgang og farmleifar frá skipum, bæði í formi þjálfunar og breytts verklags, sem og mannaflaþörf. Ekki er fyrirséð að unnt verði að sinna eftirfylgni samkvæmt þessari gerð nema með auknu fjármagni.Samkvæmt 6. gr. laga nr. 33/2004 er ráðherra heimilt að setja í reglugerðir ákvæði um móttöku og meðferð úrgangs frá skipum (k-liður 6. gr.). Innleiðing gerðarinnar kallar væntanlega á reglugerðarbreytingu, þar sem ekki er tilgreint í núgildandi reglugerð hvernig eigi að meta hvort geymslurými fyrir úrgang sé nægilegt fyrir siglingu til næstu hafnar þar sem ætlunin er að skila úrgangi í land, en einnig vegna þess að innleiða þarf reglugerðina í heild sinni til að ná fram samræmdri framkvæmd í EES ríkjunum. Samkvæmt 6. gr. laga nr. 33/2004 er ráðherra heimilt að setja í reglugerðir ákvæði um móttöku og meðferð úrgangs frá skipum (k-liður 6. gr.). Innleiðing gerðarinnar kallar væntanlega á reglugerðarbreytingu, þar sem ekki er tilgreint í núgildandi reglugerð hvernig eigi að meta hvort geymslurými fyrir úrgang sé nægilegt fyrir siglingu til næstu hafnar sem ætlunin er að skila úrgangi í land. Mikilvægt er að innleiðingarreglugerðin verði innleidd á sama tíma og ákvæði tilskipunar 2019/883.