32023R2590

Markmið sem að er stefnt: Verið er að setja nákvæmar reglur um tæknilegar kröfur og prófanir á ADDW kerfi, e. Advanced Driver Distraction Warning. Kerfið fylgist með augnhreyfingum ökumanns og varar hann við verði hann annars hugar.Aðdragandi: Framkvæmdastjórninni er heimilt að setja ítarlegar reglur um sérstakar prófunaraðferðir og tæknilegar kröfur til truflana viðvörunarkerfis fyrir ökumenn sem hluta af gerðarviðurkenningu vélknúinna ökutækja. Það er gert með þeirri reglugerð sem hér er til umfjöllunar.Reglugerð Evrópuþingsins og ráðsins (ESB) 2019/2144 felur í sér að vélknúin ökutæki sem hönnuð eru til fólks- og vöruflutninga, þ.e. í flokkum M og N, skulu búin háþróaðri truflunarviðvörun ökumanns, þ.e. ADDW-kerfinu. Kerfið skal vera frá 7. júlí 2024 komið í nýjar gerðir ökutækja og frá 7. júlí 2026 í öll ný ökutæki. ADDW er skilgreint sem kerfi sem hjálpar ökumanni að halda athyglinni vakandi og varar hann við verði hann annars hugar.Þær reglur sem hér er verið að setja er næsta skref í átt að hinni svokölluðu „núllsýn“ e. Vision Zero, en áætlað er að á milli 10%-30% slysa í Evrópu séu að völdum truflana. The National Highway Traffic Safety Administration (NHTSA) áætlar að truflun ökumanna valdi allt að 16% banvænna árekstra, 21% allra skaðlegra árekstra og 22% allra árekstra í Bandaríkjunum. Líklegt er að þessar tölur séu vanmetnar í ljósi þess hversu erfitt er að meta alla þá þætti sem valda árekstri.Umsögn: helstu breytingar, mati á umfangi, og áhrif hér á landi: Verið er að setja nákvæmar reglur um tæknikröfur og prófanir á ADDW kerfi, e. Advanced Driver Distraction Warning. Kröfurnar eru fyrir bílaframleiðendur og þá sem prófa búnað bifreiða vegna gerðarviðurkenningar. Krafa verður svo gerð um að búnaðurinn sé til staðar í tilteknum bílum.Áhrif á Samgöngustofu eru engin og áhrif á hagaðila, þ.e. þá sem flytja inn bifreiðar, eru lítil og eingöngu óbein. Ökutækin munu koma með búnaði samkvæmt þessum nýju kröfum frá framleiðendum.Lagastoð fyrir innleiðingu gerðar: Lagastoð er að finna í 69. gr. umferðarlaga nr. 77/2019.Rétt væri að reglugerðin yrði innleidd með breytingu á reglugerð nr. 822/2004 um gerð og búnað ökutækja.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Enginn kostnaður.Skörun við starfssvið annarra ráðuneyta: Nei.Tilgreining á hagsmunaaðilum: Innflutningsaðilar.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.