Framseld tilskipun framkvæmdastjórnarinnar um breytingu á tilskipun (ESB) 2016/2284 um aðferðafræði skila á framreikningum á losun loftmengunarefna. - 32024L0299

LagagrundvöllurTilskipun sú sem hér er til greiningar breytir tilskipun (ESB) 2016/2284 og er sett á grundvelli 7. mgr. 8. gr. hennar.InngangurÍ 2. mgr. 8. gr. tilskipunar (ESB) 2016/2284 er ríkjum gert að undirbúa og uppfæra framreikninga á losun þeirra loftmengunarefna sem talin eru upp í töflu C í viðauka I við þá tilskipun.Í 5. mgr. 8. gr. tilskipunar (ESB) 2016/2284 er ríkjum gert að undirbúa og uppfæra framreikninga á losun loftmengunarefna í samræmi við þau skilyrði sem koma fram í viðauka IV.Í 2. mgr. 10. gr. tilskipunar (ESB) 2016/2284 kemur fram að ríki skulu skila framreikningum til framkvæmdastjórnarinnar og Umhverfisstofnunar Evrópu og að skilin skulu vera í samræmi við skil til skrifstofu samnings um loftmengun sem berst langar leiðir milli landa (Secretariat of the LRTAP Convention).Kröfurnar sem settar eru í skilum til skrifstofu LRTAP samningsins tóku breytingum í desember 2022 þar sem sett var fram sniðmát sem ríki skulu nota þegar framreikningum er skilað. Framreikningar byggja á flokkun losunar í geira/undirgeira skv. NFR (nomenclature for reporting) geiraflokkun LRTAP samningsins.Síðan kröfurnar tóku breytingum árið 2022 hefur flokkunarþrep (level of aggregation) skv. tilskipun (ESB) 2016/2284 ekki verið í samræmi við kröfurnar skv. LRTAP samningnum. Nýja sniðmátið gerir ráð fyrir meiri sundurliðun en áður og er nú í samræmi við þá sundurliðun sem gerð er krafa um í losunarbókhaldi loftmengunarefna.Til að gæta samræmis snýr þessi tilskipun að því að aðlaga kröfur um skil á framreiknaðri losun loftmengunarefna við skil á sögulegri losun loftmengunarefna.Greinar gerðarinnar1. gr. breytir viðaukum við tilskipun (ESB) 2016/2284 með eftirfarandi hætti:Sett er inn ný tafla C í viðauka I. Tafla C sýnir meðal annars kröfurnar sem gerðar eru til ríkja sem snúa að framreikningum á losun loftmengunarefna og vísað er í í 2. mgr. 8. gr. tilskipunar (ESB) 2016/2284. Skv. tilskipun þeirri sem hér er til greiningar skulu framreikningar gerðir eftir NFR flokkun á uppsprettum (e. NFR source category) í stað samanlagðra NFR flokka (e. aggregated NFR).Gerðar eru breytingar á lið 2 í 2. hluta í viðauka IV, sem fjallar um að framreikningar skuli vera metnir og flokkaðir eftir viðeigandi uppsprettum. Skv. tilskipun þeirri sem hér er til greiningar skulu framreikningar metnir og flokkaðir eftir NFR flokkun á uppsprettum. Þar sem þetta er ekki mögulegt vegna skorts á gögnum skal gefa skýringu á því í skýrslu Íslands um losun loftmengunarefna (Informative Inventory Report).2., 3. og 4 gr. tilskipunar þessarar fjalla annars vegar um að ríki skulu fara í viðeigandi breytingar á lögum, reglugerðum og ákvæðum til að geta uppfyllt ákvæði tilskipunarinnar fyrir 31. desember 2024 og upplýsa framkvæmdastjórnina þar um, og hins vegar um gildistöku innan ESB, en hún tók gildi 20 dögum eftir birtingu sem var 17. janúar 2024.