32024R1108

Markmið sem að er stefnt: Markmiðið með gerðinni er að uppfæra og aðlaga reglur fyrir loftför til að taka tillit til sérstakra eiginleika og áhættu sem fylgja notkun dróna og ómannaðra loftfara. Gerðinni er ætlað að tryggja að öryggiskröfur, vottunarferlar og umhverfiskröfur fyrir hönnun, framleiðslu og viðhald dróna og tengds búnaðar séu til staðar. Reglurnar miða einnig að því að tryggja samræmi í eftirliti og viðhaldi á slíkum loftförum og tilheyrandi tækjabúnaði innan Evrópu.Aðdragandi: Undanfarin ár hefur notkun á ómönnuðum loftförum aukist verulega, bæði til notkunar í viðskiptalegum tilgangi og hjá almennum borgurum. Því er þörf á að aðlaga reglugerðir til að tryggja öryggi og samræmi. Ómönnuð loftför hafa ákveðna eiginleika og af þeim stafar hætta sem ekki á við um hefðbundin loftför. Því var þörf á að gera áhættugreiningu og endurskoða þær kröfur sem gerðar eru til hönnunar, framleiðslu og viðhalds slíkra loftfara.Gerðin byggir á grunnreglum sem settar voru með reglugerð Evrópuþingsins og ráðsins (ESB) 2018/1139 en hún snýr að almennum reglum um flugöryggi. Sá rammi sem þar var settur krafðist þess að sérstök áhersla yrði lögð á ómönnuð loftför til að mæta áskorunum sem fylgja þeim. Ör þróun á tækni hefur haft það í för með sér að uppfæra þarf núgildandi reglur til samræmis við tækniframfarir og tryggja að öryggiskröfur séu fullnægjandi.Efnisútdráttur: Reglugerðin er um breytingar á Evrópureglugerð nr. 748/2012 og framseldri reglugerð (ESB) 2019/945 í tengslum við upphaflegt lofthæfi, e. initial airworthiness, og umhverfisvottun ómannaðra loftfarakerfa (UAS). Í henni er tekið tillit til sérstöðu ómannaðra loftfara, þar á meðal búnaðar til fjarstýringar og eftirlits. Þá eru settar fram kröfur um vottun á hönnun, framleiðslu og viðhaldi slíkra kerfa.Settar eru fram nákvæmar kröfur um vottun ómannaðra loftfarakerfa, þar með talið stjórnar- og eftirlitseininga. Þessar kröfur eru miðaðar við að tryggja að öll ómönnuð loftför og tengdur búnaður uppfylli strangar öryggiskröfur.Nýjar skilgreiningar og kröfur eru settar fram fyrir stjórnar- og eftirlitseiningar, sem eru notaðar til að stjórna ómönnuðum loftförum fjarstýrt. Þessar einingar þurfa að standast sömu kröfur og ómönnuðu loftförin sjálf.Umsögn: helstu breytingar,  mati á umfangi, og áhrif hér á landi: Reglugerðin hefur ekki mikil áhrif hér á landi þar sem vottunin sjálf fellur undir verksvið EASA og ekki eru framleiðslufyrirtæki hér á landi.Lagastoð fyrir innleiðingu gerðar: Lagastoð er að finna í 54. gr. og 72. gr. loftferðarlaga nr. 80/2022.Innleiðing verði með breytingu á reglugerð um breytingu á reglugerð nr. 380/2013 um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækjaMat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Samgöngustofa mun þurfa að uppfæra verkferla til skráningar þessara loftfara. Þá mun reglugerðin hafa í för með sér að þjálfa þarf eftirlitsmenn sem fylgjast með ómönnuðum loftförum og mun það hafa í för með sér kostnað sem erfitt er að meta að svo stöddu. Hvoru tveggja fellur undir reglubundna starfsemi stofnunarinnar.Skörun við starfssvið annarra ráðuneyta: NeiTilgreining á hagsmunaaðilum: Framleiðendur ómannaðra loftfara, flugrekstaraðilar sem nota ómönnuð loftför í atvinnuskyniHorizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Nei