Opinbert eftirlit - 32019R0624

Reglugerðin setur fram kröfur varðandi hvenær nota má opinbera aðstoðarmenn til að framkvæma lifandi skoðun og heilbrigðisskoðun í sláturhúsi.
Settar eru fram kröfur um hvaða menntunarskilyrði opinberir aðstoðarmenn þurfa að uppfylla ásamt kröfum um að opinberir aðstoðarmenn skuli starfa undir eftirliti opinbers dýralæknis.
Reglugerðin setur fram viðbótar takmarkanir varðandi notkun opinberra aðstoðarmanna sem varða stærð og framleiðslugetu sláturhúsa, með gildistökunni verður slíkt einungis heimilt í litlum sláturhúsum.

Skilyrði vegna sjúkdómastöðu varðandi Brucellu og nautaberkla haldast óbreytt frá eldri löggjöf.

Sett er fram heimild til að lifandi skoðun sé framkvæmd á býli þegar um neyðarslátrun er að ræða en aðeins opinber dýralæknir hefur heimild til að framkvæma slíka skoðun.
Eins er sett fram heimild til að lifandi skoðun opinbers dýralæknis sé framkvæmd á býli fyrir almenna slátrun, í slíkum tilfellum fyllir opinberi dýralæknirinn út heilbrigðisvottorð sem skal fylgja sláturgripum í sláturhús.