Opinbert eftirlit - 32019R1081

Reglugerðin varðar þjálfun á starfsfólki (öðrum en opinberum dýralæknum og opinberum plöntuheilbrigðiseftirlitsmönnum) til að framkvæma eftirlit með ástandi við opinbert eftirlit á landamærastöð (sbr. 2.tl. 49. gr í EB/625/2017).

Þjálfunin er forsenda þess að starfsfólk megi framkvæma slíkt eftirlit, til aðstoðar opinbers dýralæknis eða einir. Starfsmenn sem skoða dýr eða kjötafurðir þurfa að gera það sem aðstoðarmenn dýralæknis. Starfsmenn mega einir skoða lagarafurðir, aðrar afurðir af dýrauppruna en kjöt, aukaafurðir dýra og kímefni (germinal products).
Lögbær yfirvöld skulu þróa og skipuleggja þjálfunina sem skal vera bókleg og verkleg.
Halda skal þjálfunarskrá fyrir hvern starfsmann. Upptalning á þeim atriðum sem þjálfunin skal innihalda, en hana skal aðlaga eftir því hvaða flutningar fara fram um þær landamærastöðvar sem starfsfólk mun starfa við.

Ákvæði um plöntuheilbrigði og lifandi dýr eru hér undanskilin.

Í reglugerðinni er upptalning á því sem þjálfunin á að ná yfir. Dýralæknir þarf ekki að framkvæma skoðun á dýraafurðum öðrum en kjöti og kímefnum og aukaafurðum dýra. Að öðru leyti eru ekki breytingar frá núgildandi reglum.