32019R2015

Reglugerðin kveður á um endurskoðun á orkumerkingum ljósgjafa með eða án innbyggðs stýribúnaðar en kröfurnar í reglugerðinni eiga einnig við um ljósgjafa sem eru hluti af eða innbyggðir í aðra vöru. Reglugerðin kveður á um nýjar skyldur birgja hvað varðar skráningu upplýsinga í EPREL gagngagrunninn. Ef þess er sérstaklega óskað af söluaðila þá þurfa birgjar að útvega vöruupplýsingablað á prentuðu formi. Allar sjónrænar auglýsingar hverrar tegundar ljósgjafa eiga að sýna orkunýtniflokk og röð orkunýtniflokka á miðanum. Allt kynningarefni, þar með talið á netinu, sem lýsir sértækum tæknilegum breytum, á að sýna orkunýtniflokk og röð orkunýtniflokka á miðanum. Birgjar ljósgjafa sem eru hluti af eða innbyggðir inn í aðrar vörur eiga að veita markaðsyfirvöldum upplýsingar um hvernig ljósgjafar geti verið fjarlægðir frá einingunni án þess að skemma ljósgjafann.
Ef um fjarsölu er að ræða þá á að útvega merkimiða og vöruupplýsingablað. Allar sjónrænar auglýsingar, þar með talið á netinu, eiga að sýna orkunýtniflokk og röð orkunýtniflokka á miðanum. Allt tæknilegt kynningarefni, þar með talið á netinu, sem lýsir sértækum tæknilegum breytum, á að sýna orkunýtniflokk og röð orkunýtniflokka á miðanum. Núverandi miðum verður skipt út fyrir nýju miðunum. Enn fremur er ný viðbót sem fjallar um skyldur hýsingarþjónustu og skyldur þeirra að birta orkumerkingar og vöruupplýsingablöð.

Setja þarf nýja reglugerð sem innleiðir ofangreinda reglugerð. Lagastoð er í lögum nr. 72/1994 um merkingar og upplýsingaskyldu varðandi vörur sem tengjast orkunotkun.