32020R1812

Markmið sem að er stefnt: Velja gagnagrunn fyrir upplýsingaskipti aðildarríkja skv. reglugerð 2018/858/ESB.
Aðdragandi: Í 4. mgr. 12. gr. reglugerðar 2018/858/ESB sem ekki hefur verið innleidd hér á landi er lögð sú skylda á aðildarríki Evrópusambandsins að nota sameiginlegan gagnagrunn til upplýsingaskipta sín á milli. Tilgangurinn er sá að upplýsingar um gerðarviðurkenningar ökutækja auk upplýsinga um kerfi og tæknilega hluti sem hafa verið samþykktir, breytt, hafnað eða dregnir til baka, verði aðgengilegar almenningi frá 1. september 2022. Þá muni jafnframt liggja fyrir upplýsingar um tækniþjónustuna sem gerði prófin sem voru grundvöllur fyrir gerðarviðurkenninguna.
Í 27. gr. sömu reglugerðar eru aðildarríki skylduð til að nota sama kerfi til að veita framkvæmdastjórninni, þeim sem sinna markaðseftirliti og öðrum ríkjum sambandsins aðgang að ákveðnum skjölum tiltekinna gerðarviðurkenninga. Þetta er gert til að upplýsa viðurkenningaryfirvöld annarra aðildarríkja og framkvæmdastjórnina um það þegar gerðarviðurkenningu hefur verið hafnað ásamt ástæðum fyrir því að henni var hafnað.
Evrópska gerðarviðurkenningarkerfið ETAES, e. The European Type Approval Exchange System, er hugbúnaður sem er aðgengilegur á netinu. Hann er þróaður af aðildarríkjum til að aðstoða gerðarviðurkenningaryfirvöld við innleiðingu á upplýsingaskiptum. Evrópusambandið krefst þess að haldið sé úti miðlægum upplýsingagrunni til að veita aðgang að afritum af svokölluðum Certificates of Conformity, CoC, vottorði á milli ríkja. Við útgáfu slíks vottorðs er staðfest samræmi við tiltekin fyrirmæli og staðla. Það er talið við hæfi að nota ETAES sem þann sameiginlega gagnagrunn til upplýsingaskipta sem fjallað er um í 3. mgr. 27. gr. reglugerðarinnar.
Til að viðhalda og vernda trúnaðarupplýsingar þarf að skilgreina reglur við að tengjast grunninum og notkun öruggra gagna upplýsingaskipta.
Þar sem ETAES er í núverandi mynd eingöngu samskiptatæki fyrir samvinnu stjórnvalda aðildarríkjanna en ekki opin almenningi er nauðsynlegt að samræma sniðmátið til að uppfylla skilyrði 4. mgr. 12. gr. og til að tryggja að réttar upplýsingar séu gerðar aðgengilegar almenningi.
Efnisútdráttur: 1. gr. fjallar um að European Type Approval Exchange System, ETAES grunnurinn skuli notaður sem sameiginlegur, öruggur, rafrænn upplýsingaskiptagrunnur eins og fjallað er um í 3. mgr. 27. gr. reglugerðarinnar.
2. gr. fjallar um öryggiskröfur grunnsins. Þar er fjallað um dulkóðun samskipta á milli notanda og grunnsins, netöryggi og aðgangsstýringarkerfi.
3. gr. fjallar um verklag við upplýsingaskipti varðandi gerðarviðurkenningarupplýsingar og hvaða upplýsingar fara á milli.
4. gr. fjallar um lista af EU gerðarviðurkenningu.
Umsögn: helstu breytingar, mati á umfangi, og áhrif hér á landi
Gerðin ætti ekki að hafa áhrif hér á landi þar sem Ísland gefur ekki út evrópskar gerðarviðurkenningar. Ísland tekur við þessum gerðarviðurkenningum til að skrá ökutæki inn í landið. Það eina sem gefið er út hér á landi er það sem er kallað individual vehicle approval, eða samþykki fyrir breytingu á ökutæki og þarf sú skráning að fylgja ökutækinu ef það er t.d. flutt á milli landa. Því hefur gerðin lítil áhrif á Íslandi.
Það er þó rétt og mikilvægt að taka fram að reglugerð 2018/858/ESB sem ekki hefur verið innleidd hér á landi mun koma til með að hafa töluverð áhrif á Ísland bæði hvað varðar tíma og kostnað og felast þau áhrif að stærstu leiti í eftirfarandi:
• Uppfæra þarf ökutækjaskrá þannig að skráning ökutækja taki mið af AVI, e. Actual vehicle information, eða það sem kalla mætti samræmda skráning ökutækja
• Uppfæra þarf ökutækjaskrá þannig að hún taki á móti rafrænum CoC vottorðum eða eCoC vottorðum en það verður krafa frá og með árinu 2026.
Lagastoð fyrir innleiðingu gerðar: 69. gr. umferðarlaga nr. 77/2019. Innleitt í reglugerð um gerð og búnað ökutækja nr. 822/2004.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Þessi gerð hefur óveruleg áhrif hér á landi og því ekki gert ráð fyrir kostnaði en vísað til umsagnar hér að ofan um aðrar breytingar sem 2018/858/ESB hefur í för með sér. Þær breytingar munu vera tímafrekar og hafa kostnað í för með sér. Ekki er hægt að segja nákvæmlega til um kostnað að svo stöddu.
Skörun við starfssvið annarra ráðuneyta: Nei
Horizontal issues: sektir, aðrar refsingar, stofnanir, lönd utan EES: Nei
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei