Lágmarkslaun - 32022L2041

Framkvæmdastjórnin hefur sett fram tillögu sem á að tryggja að launafólki innan ESB séu tryggð sanngjörn lágmarkslaun, hvort sem er í formi kjarasamninga eða með lögum. Tillögunni er ætlað að bæta vinnuskilyrði og lífsviðurværi ESB borgara og að auka jöfnuð á vinnumarkaði og stuðla að hagkvæmri og félagslegri þróun. Tillagan byggir á Evrópustoð félagslegra réttinda (European Pillar of Social Rights). 6. meginregla stoðarinnar mælir fyrir um að sanngjörn lágmarkslaun og um gagnsæ og fyrirsjáanleg launakjör. Í kjölfarið setti framkvæmdastjórnin fram framkvæmdaráætlun um hvernig hægt væri að innleiða stoðina þar á meðal hvernig væri hægt að tryggja sanngjörn lágmarkslaun.Framkvæmdatstjórnin hefur nú sett fram tillögu að tilskipun sem mælir fyrir um viðeigandi lágmarkslaun innan ESB. Markmið með tillögunni er að setja reglur sem tryggja að lágmarkslaun séu virt og að launafólki séu tryggð viðeigandi vernd þegar kemur að launum og ákvörðun launa, hvort sem það er á grundvelli kjarasamninga eða samkvæmt lögum. Tillagan byggir á þeim að rökum að viðeigandi lágmarkslaun séu til bóta fyrir bæði atvinnurekendur og launafólk, til að mynda auki það samkeppnisstöðu, auki framleiðni og efli hagræna og félagslega þróun. Auk þess séu slíkum reglum ætlað að minnka kynjaójöfnuð þegar kemur að launakjörum. Í tillögunni er mælt með eflingu kjarasamningamódelsins (sjá grein 4). í tillögunni eru settar fram þær reglur sem lagasetning varðandi laun þarf að uppfylla, til að mynda eru sett fram ákveðin skilyrði og lögð áhersla á þátttöku aðila vinnumarkaðarins að slíkri lagasetningu (sjá grein 5). Samkvæmt tillögunni ber ríkjunum einnig að tilkynna til framkvæmdastjórnarinnar árlega um laun.Tillagan hefur verið umdeild, einkum hjá Norðurlöndunum og meðal fulltrúa launafólks. Fylgjast þarf grannt með tillögunni og þróun hennar, með tilliti til gildissviðs og efnis. Meta þarf einnig hvort tillagan sé EES-tæki og falli undir gildissvið EES-samningsins.Málið var á forgangslista ríkisstjórnarinnar 2020-2022.