32021R0646

Markmið sem að er stefnt: Verið að samræma gerðarviðurkenningar á akreinavörum í ökutækjum.
Gildistaka: 20 dögum eftir birtingu í the Official Journal. Gildir frá 6. júlí 2022.
Aðdragandi: Gerðarviðurkenningarferlið sem fjallað er um í reglugerð 2018/858/ESB á einnig við um akreinavara í ökutækjum. Til að tryggja samræmda nálgun þarf að útfæra nánar gerðarviðurkenningarferlið á akreinavörum. Það er gert í þessari reglugerð.
Evrópska gerðarviðurkenningarvottorðið byggir á III. viðauka við reglugerð 2020/683/ESB. Gert er ráð fyrir viðbót við vottorðið. Í henni eiga að vera upplýsingar sem fjalla sérstaklega um akreinavara eftir því sem krafist er í þessari reglugerð. Því er í reglugerðinni sniðmát fyrir gerðarviðurkenningarvottorð með viðbót fyrir akreinavara.
Ökumönnum er heimilt að fara yfir brotnar línur skv. innlendri löggjöf. Það er því afar erfitt fyrir þá tækni sem nú er notuð að meta hvort það sé sé meðvitað. Óþarfa inngrip ökuvarans geta leitt til þess að ökumaður slökkvi á kerfinu. Það með missir hann af því öryggi sem því fylgir. Því þarf ökuvarinn að vara ökumann við en ekki að leiðrétta feril ökutækisins þegar farið er yfir brotna línu.
Ökuvarinn virkar eingöngu með sýnilegum línum á vegi. Því er þetta ekki krafa þar sem ekki er að finna slíkar línur.
Efnisúrdráttur:
1. gr. fjallar um stjórnunarleg ákvæði og tæknikröfur fyrir gerðarviðurkenningu ökutækja með hliðsjón af ökuvörum.
2. gr. fjallar um öryggisúttekt.
3. gr. fjallar um gildistöku.
Upplýsingar og tæknikröfur eru í I. viðauka.
Umsögn: helstu breytingar, mati á umfangi, og áhrif hér á landi: Hefur áhrif á framleiðendur ökutækja. Ekki er starfandi framleiðandi hér á landi.
Lagastoð fyrir innl. gerðar: Lagastoðin er í 69. gr. umferðarlaga nr. 77/2019. Innleitt í reglugerð um gerð og búnað ökutækja nr. 822/2004.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Óverulegur.
Skörun við starfssvið annarra ráðuneyta: Nei
Horizontal issues: sektir; aðrar refsingar; stofnanir; lönd utan EES: Nei