MiFID2 review - 32024L0790

Tilskipun 2014/65/ESB um markaði fyrir fjármálagerninga og breytingu á tilskipun 2002/92/ESB og tilskipun 2011/61/ESB (MiFID2) og reglugerð (ESB) 600/2014 um markaði fyrir fjármálagerningu og breytingu á reglugerð (ESB) 648/2012 (MiFIR) mynda grundvallarregluverk ESB um markaði fyrir fjármálagerninga. Tilskipun (ESB) 2024/790 (MiFID2 review) breytir MiFID2 tilskipuninni og er nátengd breytingum sem gerðar voru á MiFIR með reglugerð (ESB) 2024/791. Helsta markmið gerðanna er að efla innviði evrópsks fjármálamarkaðar og stuðla að jafnari samkeppnisgrundvelli. Veigamesta breytingin felur í sér endurskoðun á starfsskilyrðum þjónustu fyrir sameinaðar viðskiptaupplýsingar, sem ætlað er að stuðla að tilkomu slíkrar þjónustu fyrir hvern flokk fjármálagerninga. Sameiginlega fela gerðirnar jafnframt í sér tilfærslu ýmissa ákvæða úr MiFID2 tilskipuninni og yfir í MiFIR reglugerðina, tilfærslu ákvæðanna er ætlað að stuðla að einsleitni í framkvæmd og eftirliti.

Stór þeirra breytinga sem MiFID2 review gerir leiðir af breytingum á reglugerðinni. Meðal annarra breytinga eru brottfall starfsleyfiskröfu aðila sem eiga viðskipti fyrir eigin reikning í gegnum beinan rafrænan aðgang, kröfur á aðildarríkin til að tryggja að verðbréfafyrirtæki hafi til staðar ráðstafanir til að uppfylla nýjar kröfur um gagnagæði skv. MiFIR review og bann við móttöku greiðslu fyrir að beina viðskiptum á tiltekinn viðskiptavettvang.