32022L1999

Með tilskipun 2022/1999 eru færðar saman í eina gerð, e. codification, nokkrar gerðir um samræmt eftirlit með flutningi á hættulegum farmi á landi. Með e. codification er átt við að færðar eru saman í eina tiltekna gerð nokkrar gerðir sem á undan fóru. Annað hvort nokkrar breytingar á tiltekinni grunngerð, eins og í þessu tilviki, eða nokkrar skyldar gerðir. Þegar um er að ræða e. codification er ekki um að ræða efnislegar breytingar; sjá: http://ec.europa.eu/dgs/legal_service/recasting_en.htm.Gerðirnar sem verið er að fella í eina eru tilskipun 95/50 um samræmt eftirlit með flutningum á vegum og síðari breytingar á henni.Í nýrri gerð er fjallað um skyldur ríkjanna til að gera athuganir á ökutækjum sem notuð eru til að flytja vörur á vegum ESB. Þá er gert ráð fyrir að aðildarríkin skili framkvæmdastjórninni skýrslu um hvernig til hefur tekist.Innviðaráðuneytið óskaði eftir umsögn lögreglustjóranna á Norðurlandi eystra, Suðurlandi og Vesturlandi um tilskipun Evrópusambandsins 2022/1999.Í umsögn sem send var nafni lögreglustjóraembættanna þriggja sagði:Ofangreind tilskipun hefur verið yfirfarin og virðist ekki hafa í för með sér stórvægilegar breytingar á núgildandi lagaumhverfi, þó uppfæra verði reglugerð nr. 1077/2010 um flutning á hættulegum farmi á landi.Þó telja lögreglustjórarnir afar mikilvægt að viðaukar I, II og III við tilskipunina verði teknir upp sem viðaukar við núgildandi reglugerð nr. 1077/2010 um flutning á hættulegum farmi á landi en áður var aðeins vísað til sambæilegra viðauka í tilskipuninni án þess að viðaukarnir væru teknir upp í reglugerðinni.Ekki verða efnisbreytingar á gildandi lagaumhverfi og áhrif gerðarinnar sökum þess lítil. Ekki kostnaður.