32024R1610

Markmið sem að er stefnt: Markmiðið með reglugerðinni er að stuðla að því að Evrópusambandið nái markmiðum um hreinna umhverfi, bætta heilsu og velferð borgara, dýra og vistkerfa innan Evrópusambandsins. Með reglugerðinni eru sett viðmið um losun CO2 frá nýjum þungum ökutækjum. Settar eru sameiginlegar kröfur og stjórnsýslufyrirmæli um gerðarviðurkenningu og markaðseftirlit um losun, eldsneytis- og raforkunotkun auk endingar rafhlaðna.Aðdragandi: Reglugerðin er þáttur í þeirri stefnumótun ESB að ná kolefnishlutleysi fyrir árið 2050. Tekið var mið af tækniframförum í framleiðslu þungra farartækja til að tryggja að losunarviðmið væru bæði viðeigandi og samanburðarhæf.Efnisútdráttur: Reglugerðin tekur til fólks-, hóp-, sendi- og vörubifreiða, auk eftirvagna sem skráðir eru fyrir heildarþunga frá 750 til 10.000 kg.Settar eru strangar kröfur til útblástursmælinga og endingar rafhlaða. Innleidd eru kerfi til að hindra og greina svik. Reglugerðin kveður á um notkun ýmissa eftirlitskerfa og tækja innan ökutækja, svo sem kerfa sem fylgjast með og skrá losun og orkunotkun. Það kemur í hlut framleiðenda að hanna og smíða ökutæki þannig að þau standist kröfur um útblástur og orkunotkun.Eftirlitsstjórnvöldum er falið það hlutverk að gera prófanir og athuganir til að tryggja að framleiðendur uppfylli kröfur um framleiðslusamræmi og þjónustueftirlit. Reglur til að koma í veg fyrir fölsun á mengunargildum og breytingu á kerfum ökutækja eru settar fram. Sérstakar dagsetningar eru settar fyrir samþykki nýrra tegunda ökutækja og fyrir bann við skráningu, sölu eða notkun ökutækja sem ekki uppfylla kröfur reglugerðarinnar.Umsögn: helstu breytingar, mati á umfangi, og áhrif hér á landi:Með innleiðingu reglugerðarinnar verða kröfur auknar það mikið að innflutningur annarra ökutækja en þeirra sem eru frá ríkjum sem hafa heildargerðarviðurkenningu verður torveldur. Án slíkrar viðurkenningar er ekki tryggt að ökutæki uppfylli ekki umræddar kröfur. Mæla þarf fyrir um þær reglur sem gilda eiga til þess að fá skráð hér á landi ökutæki frá slíkum ríkjum s.s. ökutæki frá Bandaríkjunum og Kína. Séu settar sveigjanlegri kröfur fyrir þau ökutæki þarf að gera það með því að setja sér-íslenskar kröfur. Í gegnum tíðina hafa séríslenskar tilslakanir verið innleiddar í reglugerð um gerð og búnað ökutækja og þá einkum með bandaríska bíla í huga. Taka þarf sérstaka afstöðu til þessa hér á landi.Lagastoð fyrir innleiðingu gerðar: Lagastoð er að finna í 4. mgr. 69. gr. umferðarlaga nr. 77/2019. Innleidd með breytingu á reglugerð nr. 822/2004 um gerð og búnað ökutækja.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: NeiSkörun við starfssvið annarra ráðuneyta: NeiTilgreining á hagsmunaaðilum: Framleiðendur, almenningur.Horizontal issues: sektir, aðrar refsingar, stofnanir, lönd utan EES: Framkvæmdastjórnin getur lagt á stjórnvaldssektir sem geta numið allt að 30.000 EUR fyrir hvert ökutæki á framleiðendur.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei