32023R1769

Markmið sem að er stefnt: Markmið með gerðinni er að setja samræmdar kröfur um eftirlit með hönnunar- og framleiðslufyrirtækjum. Um er að ræða nýja framkvæmdarreglugerð framkvæmdastjórnarinnar um tæknilegar kröfur og stjórnsýsluaðferðir fyrir vottun fyrirtækja sem koma að hönnun og framleiðslu á kerfum fyrir flugumferðastjórn og flugleiðsögu og á íhlutum í slík kerfi.Aðdragandi: Með reglugerðinni er gerð krafa um að Flugöryggisstofnun Evrópu (EASA) verði stjórnsýslulegt yfirvald, votti hönnunar- og framleiðslufyrirtæki og hafi eftirliti með þeim. Þessar kröfur voru áður að hluta í  reglugerð (ESB) nr. 552/2004. Hún var felld úr gildi 11. september 2018. Ákveðnar greinar og tilvísanir í innleiðingarreglugerðir giltu þó áfram en máttu ekki gilda lengur en til 12. september 2023.Efnisútdráttur: Reglugerðin kveður á um tæknilegar kröfur og stjórnsýsluaðferðir fyrir samþykki fyrirtækja sem taka þátt í hönnun eða framleiðslu kerfa og íhluta fyrir flugumferðarstjórnun/flugleiðsöguþjónustu (ATM/ANS) og eru háð vottun í samræmi við 4. gr. reglugerðar (ESB) 2023/1768 eða hönnunaryfirlýsingum í samræmi við 5. gr. sömu reglugerðar.Með vísan til 1. og 4. gr. reglugerðar (ESB) 2018/1139 og með vísan til eðlis og áhættu sem fylgir starfsemi fyrirtækja sem taka þátt í hönnun eða framleiðslu kerfa og íhluta fyrir flugumferðarstjórnun/flugleiðsöguþjónustu (ATM/ANS) skulu slík fyrirtæki vera vottuð.Reglugerðin mælir fyrir um reglur og verklag við útgáfu, viðhald, breytingu á, takmarkanir eða afturköllun skírteina fyrir slík fyrirtæki. Þá fjallar gerðin einnig um réttindi og skyldur slíkra fyrirtækja sem skírteinishafa og samræmt eftirlit með þeim sem framkvæmt er af Flugöryggisstofnun Evrópusambandsins.Umsögn: helstu breytingar, mati á umfangi, og áhrif hér á landi: Gerðin hefur töluverð áhrif hér á landi. Kröfur sem settar eru fram með henni snúa að hönnunarfyrirtækjum sem koma að hönnun og framleiðslu á kerfa fyrir flugumferðastjórn / flugleiðsöguþjónustu.Tern ehf. og Isavia ANS eru fyrirtæki sem hanna og framleiða flugleiðsögubúnað.Samkvæmt gerðinni þarf eftirfarandi búnaður vottun frá EASA:-      búnaður sem styður fjarskipti milli flugumferðarstjóra og flugmanna-      búnaður sem styður flugumferðarþjónustu við að beita aðskilnaði eða koma í veg fyrir árekstur flugvéla-      búnaður sem þarf yfirlýsingu um hönnunarsamræmi-      búnaður sem styður G/G fjarskipti-      búnaður sem styður kögun og leiðsöguSamkvæmt gerðinni þarf að tilkynning EASA um samræmi vegna:-      búnaður sem styður ATS, CNS, ASM, ATFM, AIS eða MET þjónustuÁhrif á Samgöngustofu eru takmörkuð en felast einkum í uppfærslu verkferla og þjálfun starfsfólks.Lagastoð fyrir innleiðingu gerðar: Lagastoðin er 188. gr. laga um loftferðir nr. 80/2022.Rétt væri að innleiða reglugerðina með nýrri reglugerð. Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Ekki er gert ráð fyrir kostnaði vegna innleiðingar gerðarinnar.Skörun við starfssvið annarra ráðuneyta: Nei.Tilgreining á hagsmunaaðilum: Isavia ANS, Isavia ohf., TERN og Veðurstofa ÍslandsHorizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.