32023R2790

Í reglugerð 2019/1239 voru settar samræmdar reglur um hvernig upplýsingar sem krafist er við komu skipa í höfn væru veittar. Var það til að tryggja að hægt sé að tilkynna komu skips með sama hætti í sameiginlegri gátt. Þá var ætlunin að auðvelda miðlun upplýsinga milli þeirra sem tilkynna, yfirvalda og þeirra sem veita hafnarþjónustu. Kerfið sem þá var komið á samanstendur af neti landsbundinna kerfa, e. National Single Windows, með samræmdum tilkynningaraðferðum, þar á meðal vegna upplýsingaskipta í gegnum SafeSeaNet og önnur sambærileg kerfi. Áhrif hér á landi voru ekki umtalsverð þar sem Ísland hafði þegar innleitt rafræna miðlun upplýsinga. Í reglugerð 2023/2790 er skýrt með hvaða hætti útfæra eigi tæknileg atriði kerfisins sem notað er til að gefa skýrslur og senda tilkynningar í gegnum Maritime National Single Windows -kerfið samkvæmt reglugerð ESB 2019/1239.Í gerðinni er einkum fjallað um eiginleika þess kerfis sem nota skal við skýrslur/tilkynningar um Maritime National Single Windows. Reglugerðin kallar á breytingar á núverandi NSW-kerfi hjá Vaktstöð siglinga sem þarf að aðlaga að hinu nýja EMSW-kerfi.