32024R1111

Markmið sem að er stefnt: Markmiðið með reglugerðinni er að skapa heildstæðar reglur sem taka mið af nýjum loftferðamátum og tækniframförum. Sérstaklega á þetta við um loftför sem taka á loft og lenda lóðrétt, e. VTOL-capable aircraft. Reglunum er ætlað að tryggja að rekstur slíkra loftfara sé öruggur, að áhætta farþega, áhafna og almennings sé í lágmarki, auk þess sem rekstur þeirra sé samþættur núverandi loftferðakerfi með skilvirkum hætti. Með því að setja skýrar reglur og ferla fyrir vottun og samþykki fyrir rekstri þessara loftfara er stefnt að því að auðvelda þróun og markaðssetningu nýrrar flugtækni á öruggan hátt.Aðdragandi: Á undanförnum árum hafa komið fram nýjar hugmyndir um loftferðamáta taka á loft og lenda lóðrétt (VTOL). Þessi aðferð hefur þróast með nýrri tækni og nýjum flutningaþörfum. Reglugerðinni er ætlað að takast á við öryggisáskoranir sem þessi nýja tækni skapar, t.d. við flug í þéttbýli.Efnisútdráttur: Með reglugerðinni eru gerðar breytingar á reglugerðum ESB nr. 1178/2011, 923/2012, 965/2012 og 2017/373. Breytingarnar miða að því að innleiða nýjar kröfur sem taka mið af sérstökum eiginleikum og áhættu sem fylgja rekstri mannaðra VTOL-loftfara.Reglugerð (ESB) nr. 1178/2011: Í breytingunni er mælt fyrir um þau skilyrði sem þeir sem hafa atvinnuflugmannsskírteini þurfa að uppfylla til þess að fá réttindi til að fljúga tilteknum tegundum VTOL-loftfara. Þar að auki eru settar reglur um viðbótar kennara- og prófdómararéttindi fyrir þessi loftför.Reglugerð (ESB) nr. 923/2012: Breytingar eru gerðar til að innleiða reglur sem tryggja örugga, reglulega og skilvirka rekstrarstjórnun flugumferðar mannaðra VTOL-loftfara. Nýjar skilgreiningar eru einnig settar inn fyrir VTOL-loftför og önnur tengd hugtök.Reglugerð (ESB) nr. 965/2012: Nýjum viðaukum er bætt við þar sem er að finna nákvæmar kröfur til rekstrar mannaðra VTOL-loftfara. Breytingar eru m.a. gerðar á vottunarkröfum, farþegaflutningum, ákvæðum fyrir neyðarþjónustu og björgunaraðgerðum með VTOL-loftförum.Framkvæmdarreglugerð (ESB) 2017/373: Reglugerðinni er breytt til að tryggja að rekstrarstjórnun flugumferðar (ATM) og önnur tengd þjónusta taki mið af rekstri VTOL-loftfara.Umsögn: helstu breytingar, mati á umfangi, og áhrif hér á landi: Um er að ræða nýja tækni. Ekki er ljóst hvort hún verður notuð hér á landi. Þrátt fyrir að tæknin sé ekki til staðar hér á landi eru nokkrar breytingar sem gera þarf á reglugerð um starfrækslu loftfara. Þær kalla á rýni og uppfærslu innri kerfa, þjálfun starfsfólks auk þess sem gera þarf úttekt á tilteknum þáttum. Komi til þess að VTOL loftför verði skráð hér á landi, þarf að gera nokkuð umfangsmiklar ráðstafanir. Þær munu felast í að tryggja þekkingu starfsfólks sem mun sinna málaflokknum og færa upp innri kerfa hjá  Samgöngustofu sem snertir eftirlit og leyfisveitingar.Lagastoð fyrir innleiðingu gerðar: Lagastoð er að finna í 73. gr., 83. gr.,93. gr. og 124. gr. loftferðalaga.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Óverulegur kostnaður enn sem komið er. Töluverður kostnaður komi til þess að starfsemi af þessu tagi verður á Íslandi. Sá kostnaður mun felast í þekkingu sérhæfðs starfsfólks sem sinnir eftirliti og veitir leyfi. Gera má ráð fyrir hálfu stöðugildi til að byrja með ef starfsemi sem þessi verður innleidd hér á landi.Skörun við starfssvið annarra ráðuneyta: NeiTilgreining á hagsmunaaðilum: Flugrekendur, flugmenn, flugskólar, veitendur flugleiðsöguþjónustu/rekstrarstjórnunar flugumferðar.Horizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Nei