OCR — uppfærsla krafna fyrir skoðunarstöðvar á landamærum — Gerðin breytir reglugerð (ESB) 2019/1014 - 32025R0917

Í reglugerð (ESB) 2019/1014 eru settar fram kröfur um hönnun og útfærslu landamæraeftirlitsstöðva (border control posts) og eftirlitsstaða (control points) til að gera þeim kleift að framkvæma nauðsynlegt eftirlit á réttan hátt.Breytingarnar á kröfum um landamæraskoðunarstöðvar eru:— Ný grein 3a er gefin út þar sem tilgreindar eru kröfur um frárennsli í geymslurýmum. Ákvæðið veitir hagnýta útskýringu á því hvað frárennslið á að gera og skýrir þannig og mildar frárennsliskröfuna sem fram kemur í 3. gr. (1) og (2).— Í 3. gr. (4) eru kröfur um yfirbyggð þök á móttökusvæðinu. Undanþágur frá þessari kröfu hafa verið veittar og undanþágan er útvíkkuð til að ná til fiskafurða (ekki til manneldis), vatnadýra (allra tegunda) og landbúnaðarvéla.— Útvíkkun undanþágunnar sem kveðið er á um í 3. gr. (5) til að ná til kröfunnar um losunarsvæði (affermingarsvæði) fyrir lausavörur, þar sem einnig mikið magn af afurðum sem ekki eru úr dýraríkinu og eru ætlaðar beint í síló og vörugeymslur (sem lagðar í pípu eða bandtengdar) skal falla undir undanþáguna. — Víkkar enn frekar út undantekningu í 6. mgr. 3. gr. að því er varðar kröfur um þvott með heitu og köldu vatni og kröfum um rými þannig að hún taki til plantna, plöntuafurða og annarra hluta sem falla undir d-lið 1. mgr. 47. gr. eftirlitsreglugerðarinnar (2017/625).— Í 11. mgr. 3. gr. er að finna undanþágu fyrir framkvæmd opinbers eftirlits (auðkenna- og heilnæmiseftirlit/eftirlit með ástandi) í vörugeymslu. Breytingin gerir einnig plöntum, plöntuafurðum og öðrum hlutum kleift að nýta sér þessa undantekningu.— Breytingin á e-lið 1. mgr. 5. gr. til að gera kröfur um húsnæði fyrir dýrin, sem skoðunarstöðin á landamærum er viðurkennd fyrir, er sveigjanlegri.— Rýmkun 6. mgr. 5. gr. til að ná einnig til eftirlits með útungunareggjum dýra sem skoðunarstöðin á landamærum hefur verið samþykkt fyrir.— Ákvæðum 5. mgr. 6. gr. hefur verið breytt til að ná til allra tegunda hryggleysingja. Þetta er vegna lítillar áhættu sem fylgir þeim.— Að lokum er II. viðauki, sem inniheldur sniðmát fyrir skráningu á innlendum landamæraskoðunarstöðvum og eftirlitsstöðum, breytt þar sem inngangstexti skýringanna á efninu er uppfærður í tengslum við framangreindar breytingarnar.