Framkvæmdarreglugerð framkvæmdarstjórnarinnar um útreikning leiðréttingar CBAM-skírteina vegna endurgjaldslausrar úthlutunar - 32025R2620

CBAM tilkynnendur þurfa að gefa upp innbyggða losun í vörum sem þeir flytja inn. Útreikningar á losuninni getur byggt á annaðhvort sjálfgefnum gildum eða raunverulegri losun og skal aðlögun að úthlutun endurgjaldslausra losunarheimilda endurspegla þá reglu og samsvara endurgjaldslausri úthlutun í ETS. Engin aðlögun að endurgjaldslausri úthlutun skal eiga sér stað vegna raforku. Sértæk innbyggð endurgjaldslaus úthlutun skal reiknuð út frá raungögnum í samræmi við 3. lið viðaukans. Ef sjálfgefin gildi eru notuð fyrir tiltekna innbyggða losun í CBAM yfirlýsingunni skal aðlögun á endurgjaldslausri úthlutun reiknuð út frá sjálfgefnum gildum í samræmi við leiðbeiningar um útreikninga sem koma fram í 4. hluta viðaukans. Fyrir starfsstöð sem framleiðir flóknar vörur með forefni (e. precursor) frá mismunandi starfstöðvum gildir, að innbyggð endurgjaldslaus úthlutun flókinna vara skuli ákvörðuð með sjálfgefnum gildum. Fyrir þann hluta endurgjaldslausrar úthlutunar sem innbyggð er í  forefnin þá skal nota vegið meðaltal allra forefna sem notuð eru nema í þeim tilfellum sem rekstraraðili geti sýnt fram á, með fullnægjandi hætti, að tiltekið framleiðsluferli eigi uppruna sinn að rekja til einnar og sömu starfsstöðvarinnar eða ákveðnum undirhópi starfsstöðva (e. subset of installation). Þá mætti ákvarða innbyggða endurgjaldslausa úthlutun forefna sem notuð eru hvert um sig á grundvelli innbyggðrar endurgjaldslausrar úthlutunnar forefna sem fengin eru frá þeirri stöð. Viðauki:Viðauki við reglugerðina inniheldur reglur um útreikninga á aðlögun að endurgjaldslausri úthlutun og útreikninga á sérstakri innbyggðri endurgjaldslausri úthlutun (specific embedded free allocation - SEFA) vara þar sem notuð eru sjálfgefin gildi eða þar sem notuð eru raungildi. Þá er að finna í viðaukaukanum reglur um hvernig skal velja viðeigandi CBAM vöruviðmið þar sem notuð eru raungögn eða sjálfgefin gildi. CBAM vöruviðmið eru gefin út og flokkuð eftir CN kóðum og CN vörulýsingum. Fyrir ákveðnar vörur eru þau gildi merkt 1 eða 2 , þar sem 1 stendur fyrir framleiðsluárin 2026-2027 og 2 stendur fyrir framleiðsluárin 2028-2030. Þá er töflunni einnig skipt upp í A og B dálka þar sem A merkir ferilsbundið CBAM viðmið fyrir framleiðsluferlið og B er sjálfgefið viðmið. CBAM vöruviðmiðin sem sett eru fram í viðaukanum eru reiknuð út frá ETS vöruviðmiðum, varma – og eldsneytisviðmiðum og varaaðferðum. Varaaðferðir eru notaðar þar sem ekki er hægt að nota önnur viðmið en þá eru ákveðnum framleiðsluferlum úthlutað endurgjaldslausum losunarheimildum skv. undirstöð fyrir ferlilosun (e. process emission sub-installation) sem byggist á sögulegu starfsemisstigi.CBAM vöruviðmiðin skulu að lokum endurskoðuð eigi síðar enn mánuði eftir útgáfu ETS vöruviðmiða enn þau viðmið sem hér koma fram skulu notuð fyrir vörur framleiddar fram til 1. janúar 2027. Reglugerðin öðlast gildi á þriðja degi eftir að hún birtist í stjórnartíðindum ESB, hún gildir frá og með 1. Janúar 2026.