32014R0253

Markmiðið með reglugerðinni er að tilgreina hvað þurfi að gera til þess að ná tilteknum markmiðum í samdrætti í losun CO2 frá léttum sendibifreiðum sem framleiddar eru í aðildarríkjum Evrópusambandsins fyrir árið 2020.
Aðdragandi reglugerðarinnar er að rannsóknir á þeim markmiðum í samdrætti á losun gróðurhúsalofttegunda frá léttum sendibifreiðum sem sett voru með reglugerð ESB nr. 510/2011 hafa sýnt að hægt á að vera að ná þessum markmiðum. þar með telur Evrópusambandið ástæðu til þess að tilgreina nánar hvaða skref þurfi að stíga til þess að svo verði. Því er verið að breyta hér reglugerð 510/2011 með tilliti til þessara upplýsinga.
Í gerðinni er staðfest það markmið að útblástur lítilla sendibifreiða verði 147g/km eftir 2020. Framleiðendum ökutækja sem framleiða minna en 1.000 ökutæki á ári er veitt undanþága frá þessum kröfum. Þá er viðurkennd tækni sem miðar að því að draga úr losun. Að síðustu er mælt fyrir um að á árinu 2014 skuli framkvæmdastjórnin endurskoða það sem gert hefur verið til að draga úr losun og meta á ný hvort enn sé mögulegt að ná markmiðunum sem sett voru fyrir 2020 og að það sé hagkvæmt að miða enn við þau.
Engin áhrif þar sem á Íslandi eru engir framleiðendur ökutækja.