32019R1170

Markmið sem að er stefnt: Í reglugerð framkvæmdastjórnarinnar (EB) nr. 29/2009 er mælt fyrir um samræmda innleiðingu á gagnatengingaþjónustu á grunni beinna gagnafjarskipta milli loftfara og jarðstöðva. Markmið með þessari gerð er að breyta undanþágum á kröfum reglugerðar (EB) nr. 29/2009 um að flugrekendur tryggi að tiltekin loftför, með tilteknar tegundir lofthæfivottorða, hafi gagnatengingaþjónustu skv. ákvæðum reglugerðarinnar.
Breytingarnar stuðla að því að reglurnar verða áfram áhrifaríkar án þess að vera fjárhagslega íþyngjandi fyrir tiltekna flugrekendur sem hafa lítil áhrif á heildarfjölda flugferða.
Efnisútdráttur: Með þessari reglugerð eru gerðar breytingar á 3. gr., 14. gr. og III. viðauka reglugerðar (EB) nr. 29/2009. Breytingarnar snúa að því að breyta kröfum um að flugrekendur skuli tryggja að tiltekin loftför hafi getu til að nota gagnatengingaþjónustu skv. II. viðauka við reglugerð (EB) nr. 29/2009. Breytingarnar snúa m.a. að:
- tilteknum loftförum sem fengu lofthæfivottorð gefið út fyrir 1. janúar 1995
- loftförum sem verða ekki lengur starfrækt í tilteknum loftrýmum eftir 31. desember 2022
- tilteknum loftförum sem fengu lofthæfivottorð gefið út fyrir 1. janúar 2018 og útbúin gagnatengingabúnaði fyrir þann dag í samræmi við kröfur í 10. lið III. viðauka við 29/2009.
- tilteknum loftförum sem eru hönnuð fyrir 19 farþega eða færri, af tilteknum þyngdarmörkum og með lofthæfivottorð útgefið fyrir 5. febrúar 2020.
- ríkisloftförum
- loftförum sem sinna prófunarflugi innan tiltekinna loftrýma.
Gerðin snýr einnig að því að samræma undanþáguákvæði reglugerðarinnar, leiðrétta ritstjórnarvillur og setja fram tilvísun til 10. viðauka Alþjóðaflugmálastofnunarinnar í III. viðauka við reglugerðina.
Þá er ákvæði 14. gr. aðlagað að ákvæði 3. mgr. 127. gr. reglugerðar (ESB) 2018/1139, sbr. tilvísun í 44. gr. hennar.
Viðauka III. við reglugerð (EB) nr. 29/2009 er skipt út fyrir viðauka við þessa gerð.
Umsögn: helstu breytingar, mati á umfangi, og áhrif hér á landi: Breytingarnar hafa lítil sem engin áhrif hér á landi.
Lagastoð fyrir innleiðingu gerðar: Lagastoð fyrir innleiðingu gerðarinnar er 57. gr. a, 5. mgr. 75. gr. og 76. gr., sbr. 145. gr. laga um loftferðir nr. 60/1998, með síðari breytingum. Rétt væri að innleiða reglugerðina með breytingu á reglugerð nr. 340/2015 um gagnatengingaþjónustu í samevrópska loftrýminu.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Nei.
Tilgreining á hagsmunaaðilum: Flugrekendur.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða:
Nei.