32019R1242

Markmið sem að er stefnt: Losun koltvísýrings frá þungaflutningabifreiðum þ.m.t. vörubílum, rútum og hópbifreiðum er um 6% af heildarlosun koltvísýrings í Evrópusambandinu og um 25% af heildarlosun frá umferð á vegum. Til að draga úr losun frá þessum ökutækjum þarf að setja ný markmið um losun frá þungaflutningabifreiðum fyrir árin 2025 og 2030.
Reglugerðin er hluti af þriðja mobility-pakka ESB. Markmið með gerðinni er að draga úr losun koltvísýrings frá þungum ökutækjum til samræmis við bindandi markmið Parísarsamkomulagsins um að draga um 40% úr losun gróðurhúsloftegunda í heiminum frá því sem var árið 1990.
Samkvæmt gerðinni skulu framleiðendur nýrra ökutækja uppfylla kröfur um minni meðaltalslosun frá þungum ökutækjum um;
• 15% frá árinu 2025
• 30% frá árinu 2030
Með gerðinni eru settir fram losunarstaðlar fyrir ný þung ökutæki framleidd í Evrópusambandinu sem eru sambærilegir við staðla sem þegar hafa verið settir fyrir fólksbifreiðar.
Tilgangurinn er að tryggja að flutningageirinn sem heild stuðli að því að draga úr losun gróðurhúslofttegunda, stuðla að nýsköpunartækni tengdri eldsneytiseyðslu og efla tæknilega forystu ökutækjaframleiðenda og birgja í Evrópusambandinu.
Efnisútdráttur: Með reglugerðinni eru settir fram losunarstaðlar sem framleiðendur ökutækja í Evrópusambandinu skulu ná annars vegar fyrir árið 2025 og hins vegar fyrir árið 2030.
Í ákvæðum 4. – 6. gr. reglugerðarinnar er framkvæmdastjórninni gert kleift að ákvarða með innleiðingargerðum sértæka meðaltalslosun, koltvísýringslosun og lágmarkslosun fyrir hvern framleiðanda.
Með reglugerðin er breytt reglugerð ESB nr. 595/2009, reglugerð ESB nr. 2018/956 og tilskipun 96/53/ESB til að samræma gildin sem þar koma fram við nýja losunarstaðla samkvæmt þessari reglugerð.
Umsögn: helstu breytingar, mati á umfangi, og áhrif hér á landi: Engir framleiðendur ökutækja á Íslandi og hefur gerðin því lítil sem engin áhrif hér á landi.
Lagastoð fyrir innleiðingu gerðar: Nauðsynlegt er að breyta umferðarlögum þar sem Framkvæmdastjórn ESB er veitt heimild til að leggja á framleiðendur gjald standist þeir ekki þau viðmið í losun sem Evrópusambandið setur þeim. Í tilviki Íslands færi ESA með þessar heimildir. Rétt væri að reglugerðin yrði innleidd með breytingu á reglugerð nr. 822/2004 um gerð og búnað ökutækja.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Tengsl við umhverfisráðuneyti vegna loftslagsmarkmiða en ekki bein skörun.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.