32020R0208

Markmið sem að er stefnt: Markmið með gerðinni er að uppfæra tilvísanir í staðla um gagnatengingaþjónustu fyrir samevrópska-loftrýmið til samræmis við nýrri útgáfur þannig að reglugerð 29/2009 endurspegli nýjustu þróun.
Aðdragandi: Með reglugerð (EB) nr. 29/2009 voru settar fram kröfur um samræmda innleiðingu á gagnatengingaþjónustu fyrir samevrópska-loftrýmið. Þar á meðal krafa um notkun sérstakra aðferða við skipti á gögnum milli gagnatengingakerfa í lofti og á jörðu niðri. Slíkar aðferðir þarf að framkvæma með samræmdum hætti til að tryggja rekstrarsamhæfi og samfelldan rekstur.
EUROCAE ED-120 staðall, um öryggis- og nothæfiskröfur fyrir flugumferðargagnatengingaþjónustu í meginlandsloftrými, var nýverðið endurskoðaður að því leyti að allar tilvísanir í niðurhlekksbitramma (DM) 89, e. Downlink Message, voru fjarlægðar.
Vegna þeirrar endurskoðunar endurspeglar núverandi tilvísun til ED-120 í reglugerð (EB) nr. 29/2009 ekki nýjustu þróun og því þarf að breyta tæknilegum stöðlum, sem mælt er fyrir um í henni og flugrekendur eiga að uppfylla.
Efnisútdráttur: 11. lið í viðauka III við reglugerð (EB) nr. 29/2009 er breytti til samræmis við viðauka við þessa gerð, þar sem við bætist tilvísun í uppfærðan Eurocae ED-120 staðal, frá september 2019.
Umsögn: helstu breytingar, mati á umfangi, og áhrif hér á landi: Reglugerðin hefur engin áhrif hér á landi, þar sem henni er ekki beitt. Kröfur gerðarinnar snúa að beitingu flugleiðsögukerfa fyrir flug innan ákveðinna loftrýma sem listuð eru upp í viðauka I, A- og B-hluta við reglugerð 29/2009. Reykjavík FIR er ekki þar á meðal.
Lagastoð fyrir innleiðingu gerðar: Lagastoðin er 57. gr. a, 5. mgr. 75. gr. og 76. gr., sbr. 145. gr. laga um loftferðir nr. 60/1998. Rétt væri að reglugerðin yrði innleidd með breytingu á reglugerð nr. 340/2015 um gagnatengingaþjónustu í samevrópska loftrýminu.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Nei.
Tilgreining á hagsmunaaðilum: Flugrekendur.
Horizontal issues: sektir, aðrar refsingar, stofnanir, lönd utan EES: Nei.