32025R2052

Ný framseld reglugerð um ytri aflgjafa (EPS), þráðlausar hleðslur, hleðslupúða, almennar rafhlöðuhleðslur og USB-C kapla setur uppfærð og ítarleg visthönnunarskilyrði fyrir þennan búnað. Reglugerðin byggir áfram á rammaákvæðum tilskipunar 2009/125/EB og víkkar gildissvið fyrri reglugerðar (ESB) 2019/1782 verulega út. Markmiðið er að draga úr orkunotkun, bæta orkunýtni, efla hringrásarhagkerfið og tryggja aukna samhæfni milli hleðslutækja til að minnka úrgang og stuðla að endingargóðri notkun.Gildissviðið nær nú til ytri aflgjafa af öllum stærðum undir 60 V DC (eða 42,4 V AC), þráðlausra hleðslna og hleðslupúða, almennra hleðslutækja fyrir flytjanlegar rafhlöður og USB-C kapla. Þetta felur í sér að fleiri gerðir EPS falla undir reglugerðina en áður, meðal annars aflgjafar fyrir breiðara svið heimilis- og skrifstofutækja og aflgjafar með hærra afköst. Á móti eru skilgreindar skýrar undanþágur, til dæmis fyrir varaaflgjafa (UPS), ákveðna ljósastýringu, hleðslur fyrir sjálfvirk heimilistæki, aflgjafa eingöngu fyrir lækningatæki, aflgjafa ætlaða farartækjum og EPS sem eru varanlega samþætt í föstum búnaði.Reglugerðin herðir kröfur um orkunýtni, bæði í active mode og í lágálagsaðstæðum, og innleiðir nýja lágmarksvirkni við 10% álag. Jafnframt eru settar strangari standby-kröfur fyrir þráðlausar hleðslur og hleðslupúða. Mæliaðferðir og prófunarskilyrði eru uppfærð og samræmd nýjustu stöðlum, þar á meðal tímabundinni notkun á bandaríska DOE-prófunarstaðlinum þar til samhæfður evrópskur staðall verður tilbúinn. Þessar breytingar miða að því að fjarlægja óhagkvæmustu lausnirnar af markaði og gætu skilað allt að 0,7 TWh í árlegum orkusparnaði árið 2035.Samhæfni og kröfur tengdar „Common Charger“ eru mjög miðlægur hluti reglugerðarinnar. EPS eiga almennt að vera með USB-C tengi og styðja USB Power Delivery samskiptastaðla þegar við á. Hleðslutæki mega ekki hafa fasttengdan USB-C kapal, til að draga úr úrgangi og auðvelda viðgerðir eða endurnýtingu. Framleiðendur þurfa að merkja kapla með hámarksafli og EPS með „Common Charger“ merkinu sem á að tryggja gagnsærri upplýsingagjöf til neytenda. Þá eru settar nýjar öryggiskröfur, meðal annars um aukna áfallavörn (surge protection) í samhæfum EPS til að tryggja örugga notkun með netbeinum og öðrum viðkvæmum fjarskiptatækjum.Reglugerðin inniheldur nákvæmar tæknilegar leiðbeiningar og prófunaraðferðir fyrir fjölspennu- og fjölportatæki, staðlaðar álagskúrfur og sértæka leiðréttingu í prófunum til að forðast skekkjur sem annars gætu komið fram við notkun raunverulegra USB-C kapla. Merkingar og upplýsingagjöf verða umfangsmeiri en áður; framleiðendur þurfa að setja fram skýrar upplýsingar á merkimiða, í tæknigögnum og um samhæfni, afköst og virkni.Í samræmisferlinu geta framleiðendur valið milli innri hönnunarstjórnunar eða fulls stjórnunarkerfis samkvæmt viðeigandi viðaukum reglugerðarinnar, og byggir markaðseftirlit, m.a. hjá HMS, á verkferlum sem þar eru settir fram. Reglugerðin kveður einnig á um að hún verði endurskoðuð fimm árum eftir gildistöku, meðal annars með tilliti til útvíkkaðs samhæfnissviðs, mögulegrar innleiðingar í samgöngutæki á borð við rafmagnshlaupahjól og reiðhjól, viðhaldskrafna, hringrásarkrafna og endurmat á orkunýtniþröskuldum.Helstu dagsetningar eru enn óútfylltar, en skipulagið liggur fyrir: reglugerðin tekur gildi 20 dögum eftir birtingu, gildir að fullu þremur árum síðar og felur í sér bráðabirgðaákvæði sem heimila áframhaldandi markaðssetningu eldri EPS varahluta í fimm ár og eldri USB-PD hleðslna yfir 100 W í tvö ár eftir upphaf beitingar. Þá gildir að vara sem uppfyllir nýju reglugerðina frá gildistöku telst einnig samrýmanleg fyrri reglugerð.Það sem helst er mikilvægt að hafa í huga er hversu víðfeðmt gildissviðið er orðið og hvernig kröfur um USB-C tengingar og Common Charger verða miðlægar í framkvæmd og eftirliti. Orkunýtniþröskuldar eru hertir, prófunaraðferðir flóknari og nýjar standby-kröfur bætast við fyrir þráðlausar hleðslur. Þá þarf að gæta vel að undanþágum, sérstaklega fyrir lækningatæki og samgöngutæki. Öryggiskröfur um áfallavörn geta haft umtalsverð áhrif á hönnun samhæfðra EPS og auknar merkinga- og upplýsingakröfur kalla á breytt verklag hjá framleiðendum. Að lokum eru bráðabirgðaákvæði og aðlögunartímar lykilatriði við markaðseftirlit og mat á hvaða vörur eru enn löglegar á markaði á meðan nýju reglunum er verið að innleiða.