32016R2345

Í Reglugerð (EB) nr. 262/2009 er kveðið á um kröfur um samræmda úthlutun og notkun á spurnarkóðum fyrir kögunarsvarratsjár (Mode S) fyrir samevrópska loftrýmið. Með reglugerð 2016/2345 er reglugerð (EB) nr. 262/2009 breytt þannig að tilvísanir reglugerðarinnar í I. viðauka við viðauka 10 við Chicago samninginn eru uppfærðar til samræmis breytingar sem hafa átt sér stað.
Til nánari upplýsingar þá er í reglugerð (ESB) nr. 1079/2012, um kröfur um bil milli talrása í samevrópska loftrýminu, í II. viðauka vísað til ákvæða í viðauka 10 við Chicago samninginn sem og annarra ICAO gagna. Viðauki 10 sem og þau gögn sem vísað er til hafa verið uppfærð á vettvangi ICAO. Í reglugerð 2016/2345 er kveðið á um beitingu uppfærðra ICAO ákvæða.
Viðauka I við reglugerð (EB) nr. 262/2009 er breytt þannig að þar sem vísað var til kafla 3 „kögunarratsjárkerfi“ í 10. viðauka Alþjóðaflugmálastofnunarinnar, er nú vísað til kaflans með þeim hætti að breyting 89 á kaflanum er meðtalin. Á sama hátt er breyting gerð á kafla 5 „Gagnatenging milli loftfara og jarðstöðva um kögunarsvarratsjá sem S-starfshátt“ í 10. viðauka Alþjóðaflugmálastofnunarinnar, að nú er vísað til kaflans þannig að breyting 90 er meðtalin.
Viðauka II við reglugerð (ESB) nr. 1079/2012 er breytt þannig að vísað er til uppfærða gagna þannig að breytingar nr. 90 í 2. hluta III. bindis 10. viðauka við Chicago-samninginn, sem og breytingar nr. 6 á PANS-ATM skjali 4444 Alþjóðaflugmálastofnunarinnar eru meðtaldar.
Áhrif reglugerðar 2016/2345 eru óveruleg. Reglugerð 1079/2012 er ekki beitt hér á landi en gildissvið hennar er takmarkað við ICAO EUR svæðið, m.ö.o. á hún við um annað flugumferðarstjórnarsvæði en Ísland er á. Reglugerð 292/2009 hefur takmörkuð áhrif að svo stöddu en engin mode S starfsemi er enn sem komið er hjá Isavia. Isavia er starfsleyfishafi flugumferðar- og kögunarþjónustu hér á landi. Þessu til viðbótar ber Isavia að uppfylla ákvæði Viðauka 10 hverju sinni þannig að sú krafa er einnig gerð á Isavia í gegnum gilandi starfsleyfisreglugerð.