32020R0587

Markmið sem að er stefnt: Um er að ræða framkvæmdarreglugerð um breytingu á reglugerð (ESB) nr. 1206/2011 um kröfur um auðkenningu loftfars í tengslum við kögun í samevrópska loftrýminu og reglugerð (ESB) nr. 1207/2011 um kröfur um afköst og rekstrarsamhæfi kögunar í samevrópska loftrýminu.
Markmið þeirra gerða sem breyta á er að tryggja öruggan og skilvirkan rekstur loftfara, flugvalla, rekstrarstjórnunar flugumferðar, flugleiðsögu og evrópska netsins fyrir rekstrarstjórnun flugumferðar.
Dregið er úr kröfum um búnað loftfara sem taldar eru valda óþarfa kostnaði, tímafrestir til uppfyllingar krafna eru lengdir að ákveðnu marki vegna áhrifa COVID-19 og kröfum er breytt til að styðja betur við starfrækslu ríkisloftfara.
Efnisútdráttur: Viðmiðum vegna undanþága frá kröfum um búnað í loftförum er breytt í þeim tilgangi að skýra betur hvaða loftför skuli vera búin tilteknum búnaði og hver eru undanþegin slíkum kröfum.
Landfræðilegt gildissvið rg. (ESB) 1207/2011 er í gildandi reglugerð svohljóðandi:
innan loftrýmisins sem kveðið er á um í 3. mgr. 1. gr. reglugerðar Evrópuþingsins og ráðsins (EB) nr. 551/2004, en verður með breytingarreglugerðinni:
innan samevrópska loftrýmisins (within the Single European Sky airspace).
Breytingar eru gerðar á útgáfunúmeri ICAO Viðauka 10 sem inniheldur tæknilega staðla sem flugrekendur skulu uppfylla í reglugerð (ESB) nr. 1207/2011. Dregið er úr kröfum þar sem áður bar að uppfylla útgáfu 85 en breytingin gerir eingöngu kröfu um að hlíta eldri útgáfu 77.
Felld er niður sú krafa á veitanda flugleiðsöguþjónustu og flugrekanda að bregðast strax við sýni rafeindabúnaður loftfars afbrigðilega virkni.
Kröfur um formlegt samkomulag vegna flutnings kögunargagna milli veitenda flugleiðsöguþjónustu eru uppfærðar til að endurspegla þá gagnadreifingu sem við lýði er og er til þess fallin að auðvelda gagnaskipti og forðast að setja óþarfa hömlur á þann sem sendir frá sér gögn.
Framlenging á tímafrestum sem kveðið er á um í 5. mgr. 5. gr., 1. mgr. og 2. mgr. 8. gr. reglugerðar (ESB) nr. 1207/2011 hvað varðar hæfni ratsjársvara kögunarsvarratsjár (vegna COVID-19 faraldursins), frestur sem var til júní er nú veittur til desember 2020.
Umsögn: helstu breytingar, mati á umfangi, og áhrif hér á landi: Reglugerðin hefur engin áhrif á Íslandi þar sem um er að ræða breytingar á Evrópugerðum sem ekki er beitt hér á landi.
Lagastoð fyrir innleiðingu gerðar: Lagastoðin er 6. mgr. 57. gr. a, sbr. 145. gr. laga um loftferðir nr. 60/1998 með síðari breytingum. Rétt væri að reglugerðin yrði innleidd með breytingu á reglugerð nr. 870/2007 um flugleiðsögu í samevrópska loftrýminu og breytingu á reglugerð nr. 1127/2014 um um kröfur um afköst og rekstrarsamhæfi kögunar í samevrópska loftrýminu.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er enginn.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.